Hyundai Venue Adventure Edition India-ah tlangzarh

Hyundai Venue Adventure Edition India-ah tlangzarh
Hyundai chuan an Venue special edition ‘Venue Adventure Edition’ an tih chu India-ah an tlangzar a, petrol engine-ah S(O)+ leh SX based niin, turbo-petrol engine-ah SX(O)-ah a awm bawk. Venue Adventure Edition hi petrol engine-ah manual gearbox chiah a awm a, turbo-petrol-ah DCT a ni ve thung a, a man hi showroom-ah Rs 10,14,700 atanga intanin, Rs 13,38,000 man thlengin a awm.
He motor thar tlangzarhnaa thusawiin Hyundai Motor India Limited-a director leh COO ni bawk Tarun Garg chuan, “Venue Adventure Edition hi ri kham chin pela han intihphur deuh nuam tichi te tana duan a ni a, adventure spirit a chhem nung ngei ang a, kan customer-te rin phak bak a nih ngei ka ring,” a ti.
Venue Adventure Edition-ah hian ranger khaki rawng leh blacked-out elements awmin, rawng dang- Abyss Black, Atlas White leh Titan Grey bakah dual-tone colour chi thum- Ranger Khaki leh a chung dum, Atlan White leh a chung dum bakah Titan Grey leh a chung dum a awm bawk.
A pawnlam landana a danglamna langsar chu alloy wheels dum, skid plate dum, roof rails dum, ORVMs dum leh shark fin antenna dum te a nei a, a door cladding a lang hruanghruau deuh zawk a, brake callipers sen a hmalam disc atan neiin, Adventure Edition badging a nei bawk. A chhunglamah pawh a seat tan sage green upholstery neiin, 3D floot mat, metal foot pedals, dual dash camera te a nei bawk.