I-Day hmannaah award hlan

Ningania Aizawla Independence Day hmannaah police leh zirtirtu hna thawk chawimawina dawngte hnenah an lawmman dawn hi hlan a ni.
Mizoram Police zingah President’s Medal for Distinguished Service dawngtu – Zoramsanga Ralte, MPS, (3rd Bn MAP deputy commandant); Medal for Meritorious Service dawngtu – Kaste Romalsawma, MPS (Disaster Management & Rehabiliation asst. director(Ops) leh 1st IR Hqrs. Mualvum inspector Vanlalhluna te hnenah hlan a ni.
Fire & Emergency Service-a awm Medal for Meritorious Service dawngtu – driver (special grade) Vanlalhruaia; President’s Medal for Distinguished Service dawngtu C Lalzahngoa, MPS, (Transport secretary) bakah Medal for Meritorious Service dawngtu – senior SP Fire & Emergency Service Rex Zarzoliana Vanchhawng, MPS; 3rd MAP inspector (record officer) Zokunga Hauzel; Lengpui Airport Security-a sub inspector CD Lalhmingmawii te hlan an ni.
An ni bakah hian police pali hnenah Governor’s Gold Medal hlan a ni a, mi pali tho hnenah Governor’s Silver Medal hlan a ni.
Zirtirtu hna thawk tha – State Award to Teacher’s dawngtute hnenah hlan a ni bawk a. Govt. Selchhunga Primary School Saitual headmaster T Lalramnghaka; Govt. Champhai Vengthlang Middle School zirtirtu C Lalhrilliana, Govt. Chaltlang High School Aizawl zirtirtu Zothanliana, Govt. Zembawk HSS Aizawl lecturer RC Lalruatchhunga te hnenah hlan a ni.