I ei tur a rawng a zirin
Kan chawhmeh te hi rawng chi hrang hrang hmeh pawlh theih a tha khawp mai. Mithiam ten zirchianna an neihah chuan thei leh thlai te hi a rawng (colour) a zirin an vitamin leh mineral pai te a danglam thei hle a, a rawng tak tak hian nutrient an pai tam niin an sawi. Ni engin a chhun that avangin chlorophyll pigment an dawng hnem a, chuvang chuan an nutritional value a sang bik thin. Chuvangin chawhmehah theirah rawng tak deuh deuh lo hmeh tel thin ang che.
1. A sen: Dawnfawh leh tomato-te mitthlaah a rawn lang nghal, heng theirah sen lar tak te hian lycopene an pai hnem a, chu chu cancer veng theitu a ni. Strawberry, apple leh cherry te pawh a tha hle.
2. A hring: Thei leh thai rawng hring tha tak mai chuan isothiocyanate (compound chikhat chuap leh chawkawng cancer tur veng theitu tha tak), Indoles (aromatic organic compound) leh Sulforaphane (cancer do lettu compound) te an pai hnem a, kan thin (liver) gene-ah hnathawkin, kan thinin compound chikhat cancer siamthei chemical insiam tur lo dang theitu a siam chhuah theih nan a pui thin.
3. Purple: Thei leh thlai rawng purple, eggplant leh black grapes ang chi te hian anthocyanins (pigments) an pai hnem a, chu chu thisen luang vel tichaktu niin, mit leh kal (kidney) hnathawh tichaktu tha tak a ni.
4. A var: Thei leh thlai rawng var, entirnan purunvar ang chi te hian flavonoid an pai hnem a, chu chu antioxidant anga thawkin kan cell membrane vengtu tha tak a ni.
5. A eng: Thei leh thlai rawng eng ho hian carotenoids, lutein leh zeaxanthin an pai hnem a, chu chu mit (eye) tana chaw tha a ni. Balhla, vaimim, aieng leh a dangte hi chaw leh chawhmehah telh zel theih a tha.
6. Serthlum rawng: Thei leh thlai serthlum rawng ho hian alpha leh beta-carotene an pai hnem a, chu chuan kan cell communication a tichak a, cancer pawh a veng thei. Thingfanghma, serthlum, mai, carrot ang chi te hian vitamin C an pai hnem a, cell vengtu an ni.
I ei tur a rawng a zirin
Get real time updates directly on you device, subscribe now.
Prev Post