I hriat lohin a lo rinawm lo ru reng em?

I hriat lohin a lo rinawm lo ru reng em?
Hriat loh karin kawppui te an lo rinawm lo a, min lo kawp ru reng thei. relationship lama mithiam ten kan kawppui te laka ngaih tih That loh hun tur hriattheih dan a awm niin an sawi a, kan rawn tarlang e.
Kan kawppui te chu kanhriatchhuah theih si loh leh kan hriat loh laiin an rinawm lo thei a, chu chu an awmdan leh thiltihah te kan manchhuak mai thiam si lo. Mahse, relationship lama mithiam ten kan kawppui te an rinawm lo tih kan rinhlelh theih dan tur, an awmdan leh chetzia te chik a, thlithlai deuha hriat maitheih dan a awm niin an sawi. Chung sign te chu kan rawn tarlang e.

1. A phone-ah password a dah a, a password a hrilh duh lo che. Engtiklai pawhin a phone a khawih deuh reng a, a hun tam zawk a phone khawih nan a hmang a ni deuh ber. In-a a awm pawhin a phone chu a kalna apiangah a keng zel a, an inbual dawnah takngial pawh a kenglut zel. A phone a charge pawhin a charge-na bul hnaiah a awm deuh zel. Chutiang chu a awmdan a nih chuan ringhlel la, i ringhlel sual lo mai thei.
2. In pahnih chauha awm dun kha a pumpelh dan a zawng riauin i hria em? I lakah tihsual a nei a, inthiam loh rukna a neih chuan inpahnih chauha awm dun kha nuam lo tih riauna a nei ang. Room khata in pahnih chauha awm dun loh dan a zawng a, i pan pawh a a kalsan deuh zel zawk che a nih chuan i lakah a rinawm loh vang a ni thei.
3. A insawifiah nasa mah mah Thin em? I lakah eng emaw zep ruk emaw thup emaw a nei a nih chuan a insawifel dan tur a ruahman fel sa thlap ang. Tichuan eng nge a tihah, khawiah nge a kal a, eng nge thil thleng tih vel i zawt ta a, a kalna leh awmna, a thil tih te chu kimchang takin a hrilh ta zeih zeih mai che. A thil sawi vel dan chu uluk takin ngaithla la, thil byeheart sa sawi ang riauin i hria em? A thil sawi vel chu a phuahchawp deuh riauin i hria em? Chutiang chu a nih chuan a inthup nana a phuahchawp mai mai a ni thei.
4. A text message-te a delete deuh zel em. I phone-a text te a delete vek zel a nih chuan i lakah eng emaw zep a nei tihna a ni thei. A WhatsApp-ah te contact hming lang si a, mahse, engmah text chhiar tur awm si lo a awm a awm nual a nih chuan i hriat ve loh tur thil eng emaw a awm tihna a ni thei. A text en tur hrim hrim pawh a awm mang lo a nih chuan a rinhlelhawm riau tawh.
5. A fak thar thut che em? A hma pawha i hak fo tawh i thawmhnaw te i inhmeh a tih thu a hrilh thar vel thut che em? A fak thar thut che avang khan lawm viau suh, lawm lo la a Tha zawk mah ang. Khatia a awm thar thutna khan chhan a nei thei a, a chhan chu i duhzawng leh lawmzawng a ni kher lo ang. Kawppui te laka rinawm lo ten an kawppui te hetianga fak thar thut hi an ching riau. Thawmhnaw chungchang kher loah pawh eng emaw tihlawm dan tur che leh i rilru tihhlimna tur a zawng rilru dawn tlat.