Ice skater-in vur chunga ice skate bun chunga inhruaizuan record siam

Hungarian ice skater champion, Eszter Szombathelyi chuan ice skate bun chunga vur chung minute khat chhunga inhruaizuan hnem thei record a siam a, vawi 136 a zuang hman.
Ice skate bun lo chung pawhin minute khatah vawi 100 zuan hman pawh mi nazawngin kan tih theih loh tur a nih hmel vur chunga ice skate bun chung phei chuan mi tam zawk daih hi chu a zuan pawh kan zuang thei kher lo ang. Mahse, Eszter hi chuan Sun Valley, Idaho-ah a ice skate bun chungin, vur chungah ngei minute khatah vawi 136 a inhruaizuan hman tlat a ni.
Eszter hi ice skating-ah Hungary-ah Junior leh Senior National Champion te pawh a lo ni tawh a, tunhmain hetiang record hi a la awm ngai loh avangin Guinness World Records chuan record siam turin vawi 45 tal minute khata zuan hman a ngai an ti a, Guinness-in goal an bituk hi a khum chiang khawp mai.
Ezster chuan, “Ice skater leh performer dang te thil harsa pawh cho tura fuih phurtu nih ka duh a, kan huaisen chuan thil theih loh tak tak a awm lo tih entir ka duh bawk,” tiin GWR siam tuma a beihna chhan a sawi a, “Figure skating hi khawvel huapin, acrobatic hmuhnawm tak nena phochhuah zel ka duh a ni,” a ti bawk.