Icfai University Mizoram Inter Veng Under 23 Saiha in team tha Tuikual North paltlang!

Icfai University Mizoram Inter Veng Under 23
Saiha in team tha Tuikual North paltlang!
Icfai University Mizoram Inter Veng U-23 basketball tournament neih mekah May ni 10, inrinni khan Saiha Jt. VC, player paruk lek awmna chuan Aizawl basketball thia venga chhal ngam, Ramhlun North LC team chu an fighting spirit that leh huaisenna inbelhbawmin 81-74 in an hneh!
Aizawl district pawn lamin rin phak bakin hma an sawn a, khawpui team tha leh basketball uar veng an thiatin an thlawn ta nawlh nawlh e.
Champhai Vengthlang VC in 84-62 in Khatla LC an lo hneh tawh a; Kolasib VC in 100 – 37 in Ramhlun South LC an lo sawp tawh bawk! District basketball hruaitu lam tan an nau te result duhawm hian phurna leh hmalakna thar a pe ngei ang.
He thu buatsaih lai thleng hian nimin lama inkhel result kan hriat theih chinah: Ramhlun North LC in 65 – 54 in basketball court nei tha Armed Veng LC an hneh a; 89 – 35 in Nursery Veng Lc in Aizawl Venglai LC an sawp bawk. Hunthar LC in 80 – 55 in Zuangtui an hneh a, zan lam inkhel result kan hre hman ta lo.
Hoops Mania Time Out
Vawiin hian match 3 chiah a awm dawn a, tournament organiser Mriv puipa zinga mi, Puitea Zadeng u, nikum vawiin anga chatuan ram min pan san ta ZD Lalremruata (kum 34, Kanan Veng tana basketball khela fehchhuak fo tawh leh supporter rinawm ni thin) thih cham pualin Mriv chuan sunna hun leh hriatrengna atan zan lam inkhel hun a buatsaih lo.