BTS member V (Kim Taehyung) chuan Instagram-a follower maktaduai 60 nei tling rang thei ber record a siam. Taehyung-a personal account (@thv) hian ni 555 chhungin follower maktaduai 60 a nei tling hman a ni.
Taehyung-a Instagram feed hi a mimal thil, magazine photoshoot, event a telna leh a project thenkhat behind-the-scene te a ni deuh ber. Vawi 81 chiah a post a la neia, a post zawng zawng hian like maktaduai 10 chuang an nei tling vek bawk. Hei hian a lar dan a tichiang thawkhat viau a ni.
December 2021 khan Taehyung hian Guinness World Records a lo siam tawh bawk a, Instagram a follower maktaduai nei tling rang thei ber niin, account a siam atanga minute 43 chhungin follower maktaduai a nei tling hman a, darkar 4 leh minute 52-ah follower maktaduai 10 a nei tling der tawh a ni.
Taehyung hian record dang pawh a siam belh zel a, Instagram-a follower maktaduai 20, maktaduai 30, maktaduai 40 leh maktaduai 50 nei tling rang thei ber record te pawh a lo siam tawh a ni.
IG-a follower M60 nei tling rang thei ber V
Get real time updates directly on you device, subscribe now.
Next Post