IIMC (Indian Institute of Mass Communication) Aizawl channel, MZU campus-a India rama community radio station 500-na chu Union minister of Information & Broadcasting Ashwini Vaishnaw chuan Ningani khan online-in Delhi atangin a rawn hawng a. A hawnna programme hi chief minister Lalduhoma chuan a office atangin inbiak hmuh theihna in a lo zawm ve.
Chief minister chuan Mizoramah community radio station hawn a ni ve ta chu lawmawm a tih thu a sawi a. IIMC Aizawla zirlaite tan leh radio-in a huam phak chin mipui tan tangkai taka hman a nih a beisei tih a sawi. A bial, Serchhip chu a chhehvel ramin a zir avangin lo leh huan nei (farmer) an tam a. An ni puala community radio station din ve a nih theih chuan loneitute zirtirna atan, khaw chin leh an tana hriat tur pawimawh hrilhhriat nan a tangkai hle a ring tih a sawi bawk.
Community radio station hi ram bial zim deuh zawk, km. 12-15 bial vel huam thei FM radio a ni a; non-profit organisation /institutions – KVK, NGO, registered society leh charitable trust ang chiten an dil thei. A senso hi cheng nuai 10-15 vel a ni thin. Tuna hawn tak IIMC Aizawl channel hi FM 90.0 a ni.
IIMC Aizawl tan radio station siam
Get real time updates directly on you device, subscribe now.