Inbe turin China a inpeih reng

Kar liamta khan India president Droupadi Murmu chuan Chinese president Xi Jinping kum 75 na lawmpuina thu thawnin, hei hian ram pahnih inkungkaihna a titha zual dawn nia rin a ni.
China foreign ministry chuan thuchhuah siamin, an thenawm ram atanga an hruaitu lu lawmpuina an rawn thawn chu an lawm tak zet tih sawiin, China chuan englai pawhin inbiak a inpeih reng a, an thenawm India chu engkawngah pawh inbiak an duh chuan an inhawn reng thu an sawi.
China foreign ministry thupuangtu Mao chuan, India president Murmu hnen atanga duhsakna keng tel lehkha kan dawng hi kan lawm hle, a ti a. Hei hian China-India inkungkaihna a tihthat zual kan beisei a, China chuan India nena inkungkaihna nghet zawk nei tura ke pen a duh a, inbiakna tha tak nei turin kan inkau e, tiin a sawi.
China leh India hi ram inthenawm, ramri inchuha buai reng an ni ve tho a, J&K hmun thenkhat bakah Arunachal ram thlengin an inchuh nasa in, an intineitu dun hle a, hun hmasa lamah pawh thawm ri hat an lo nei fo tawh thin a ni.
Tuna India president duhsakna lehkha an dawn hian a tilawm hle a, China chuan inbiakna hlawhtling tak nei tura an inkau reng thu an sawi a, China-India inkungkaihna tha zawk nei tura an inpuahchah nghal thu an sawi bawk.