Inbumna vangin Karnataka hmeichhiaten Rs 28.18 lakh chan

Hna hmuhsak theih nia whatsapp group pakhat atanga an hmuh an bawhzuina lamah Karnataka state a hmeichhe tam tak chuan pawisa an chan phah a. An pawisa chan zawng zawng belhkhawm hi nuai 28 a chuang.
He inbumnaah hian thiam taka be tanin, itawm takin an hna tur chu an sihhmuh tan a. An inhmin chho dawn ta maw tihah pawisa tlem a ngaih hlek dawn thu sawiin, account-a thunna tur an hrilh a, pawisa an inpek zawh veleh an reh nghal ta hmak thin a ni.
Police hnena complain thehluttu thenkhatte erawh chuan an pawisa pek hnuah ngai neuh neuh rawn sawiin, a aia tam hret an rawn ngiat leh a, a hnu fe ah rawn tisang leh zelin, sang chuang an sen phah hial thute sawiin, heng zawng zawng hi a lem vek tih hriat lawk an har thu leh professional tak tak an nih avangin pawisa an laksak zawng zawng pawh hi a tam thu an sawi.