India-a mo lawmna a perform hnuah J.Lo a haw leh ta

India-a mo lawmna a perform hnuah J.Lo a haw leh ta
Singer leh actress, khawvel huapa milar ber te zinga mi Jennifer Lopez chu Udaipur-a mo lawmnaah tun weekend kalta khan a rawn perform a, nimin khan Udaipur airport atangin a thlawk haw leh ta.
J.Lo hi US lama hmunpui nei, mihausa tawntaw (billionaire) Ingenus Pharmaceuticals CEO Padmaja leh Rama Raju Mantena te fanu Netra Mantena leh Vamsi Gadiraju te inneih mo lawmnaah perform tura sawm a ni a, J.Lo hian engzat chiah nge a hlawh an puang lo nain, dollar maktaduai tel chu a ni leh ngei ang. J.Lo hi venhimna tha tak hnuaiah nimin zingkar khan Udaipur airport-ah an thlah fel leh ta a, India bye-bye-in a thlawk haw leh vuah vuah mai a ni.
J.Lo hian mo lawmnaah Indian designer hriathlawh Manish Malhotra kutchhuak, ama tan bik liau liaua an siam saree a inbel a, a nalhpui leh zaih mai a, a saree pawh a lar lehnghal hat a, a aw tur airport dress pawh a dik leh thlap maia, fur coat lian hnelh hnawlh hain, a khup khuh boot a bun zaih mai bawk.
Mo lawmnaah hian a concert tenau a nei a ni deuh ber a, a hla hit hrang hrang a sak zingah ‘On the Floor,’ ‘Ain’t Your Mama,’ leh ‘Waiting For Tonight’ te pawh a tel a, boruak a vaw hot hneh hle. Mo lawmnaah hian Bollywood milar te pawh an inlan nual a, Ranveer Singh pawhin ‘Dhurandhar’ a perform a, sangeet ceremony pawh Karan Johar leh Sophie Choudry ten an host a, Janhvi Kapoor, Shahid Kapoor, Kriti Sanon leh Jacqueline Fernandez te pawh an inlan.