India-a siam chhuah thil hmang uar turin Modi-a’n mipui chah

India-a siam chhuah thil hmang uar turin Modi-a’n mipui chah
Indian Prime Minister Narendra Modi-a chuan Pathianni tlaia ram mipuite hnena thuchah a sawiah ram chhunga thil siam aia ram dang siam hmang tam lo turin a chah a, US nena sumdawnna thila an inmil loh mek karah mahni kea innghahna lam a sawi chhuak.
US President Donald Trump-a chuan Indian bungrua a lak luhah chhiah 50% a laksak mek a, Modi-a chuan ‘Swadeshi’ tih, India-a siam bungrua hman tang turin mipuite a sawm.
Modi-a lamtangte hian India-a lar tak tak – McDonald’s (MCD.N), Pepsi (PEP.O) leh Apple (AAPL.O) telin American brand-te chu hmang uar tawh lo tura beihpui an thlak tan mek bawk.
“Ni tina kan hman thin thil tam tak hi ram danga siam a ni a, chu chu kan hre lo va, nakinah phurrit a la ni dawn,” tiin Modi-a chuan Thawhtanni atanga an rama chhiah lak zat bi thar a hman dawn lai mekin a sawi a ni.
“India-a samte kan lei thin tur a ni,” tiin ram dang hming lam chhuak lovin a sawi.
India-a mihring tluklehdingawn 1.4-te hi American-ten an inhralhna tha ber a ni a, US online retailer Amazon.com phei chu an inhralh nasa hle. Kum tam tak chhungin US-te hian India-a khaw kilkhawr tak takah huang an zauh tawh.
Modi-a hian dawr neitute pawh India-a siam chhuah thilte hralh tuma hma la turin a chah a, chu chu ram ei leh bar thanna tur a ni dawn tih a sawi.
Tun hnaiah company tam takin tual chhuak bungrua an fakmawi nasa zual hle tih a sawi bawk.
Indian Commerce Minister Piyush Goyal-a chuan US a tlawh mek a, Washington-ah hian ram pahnih inkara sumdawnna thil tihfel ngai a tihfel ngei beisei a ni.