India an champion zawn

Pathianni zan khan Mumbai khawpuia Wenkhede Stadium-ah T20 World Cup 2026 final khelh a ni a, champion lai India chuan an khingpui New Zealand chu awlsam takin an hneh a, a zawnin an champion. India hi T20 World Cup ah a zawna champion thei hmasa ber an ni. India an champion theih nana thawhhlawk tak Kristian tlangval Sanju Samson chu ‘Player of the Tournament’ ah thlan a ni.
Final-ah India in an khel tha viau a, Over 20 chhungin run 255 lai an siam a, mi panga chauh an out. India tan hian Kristian tlangval Sanju Samson chu run siam hnem ber a ni a, ball 46 a hmachhawn atangin run 89 a siam. India tan hian Ishan Kishan cuan ball 25 ahmachhawn atangin run 54 lai a siam a, Abhishek Sharma chuan ball 21 atangin run 52 a siam ve bawk. Ball vawttute an chetha tlang viau a, New Zealand tan target hautak, umphak har tak tur an tuksak.
New Zealand vuak hun a thleng a, mipui nuai khat chuang zet pungkhawm hmaah an che hleithei lo. An target run 255 khum tum viau mahse over 19-ah run 159 chuah an siam a, an out vek. An khingpuite run pe tha duh lo tak India hian run 96 zetin hnehna an chang a, T20 Cricket World Cup-ah a vawi khat nan an champion zawn a. He inelnaa champion zawn thei hmasa ber an nih bakah T20 World Cup-ah vawi thum champion tawhin champion ngun ber an ni tel bawk.
Final-h New Zealand an hneh theih nana thawhhlawk tak Jasprit Bumrah chu ‘Player of the match’ ah thlan a ni. Bumrah hian an mi pali lai a vawm out a, run 15 chiah a pe. Final Player of the Match-ah Bumrah thlan ni bawk mah se Kristian tlangval Sanju Samson chu World Cup 2026-a player tha berah thlan a ni ve thung.
Kristian a nih vanga duhsak hlawh lo fo thin Samson hian T20 World Cup 2026-ah run 321 a siam a, game khatah run 80.25 siam zel ang a ni. World Cup chhunga run a siam tak ber chu West Indies lakah run 97 a siam kha a ni.