India-Bangladesh pual Project 3 hawng

India leh Bangladesh chuan Nilaini khan ram pahnihte inthlunzawmna tur pathum leh energy projects te hawngin India puihna hmanga siam an ni ang a, hei hian railway line hmarchhak states leh a thenawm ramte a vawi khat nana thlunzawmtu tur a tel.
Heng projects – the Akhaura-Agartala cross-border rail link te, the Khulna-Mongla port rail line te leh Unit II of the Maitree super thermal power plant- te hi Prime Minister Narendra Modi leh Bangladesh Prime Minister Sheik Hasina te chuan biak hlatna hmangin an hawng dun a ni.
Bangladesh Prime Minister Sheik Hasina hian nakum kum bul lama inthlan an hmachhawn turah dik leh felfai taka inthlan a awm theih nana hma la ngei turin Bangladesh-a opposition parties te atang leh khawthlang ramten nawrna nasa tak an neih laia hetiang hmasawnna rahbi thar tur puan a ni hi a lawm hle a. Modi-a sorkar hnuaiah hian India chu Bangladesh tana hmasawnna lian tak thawhpuitu niin $10 billion lai mai tanpuina leh tanpuina loans Bangladesh hian a lo dawng tawh a ni.
He projects hawnnaa thusawiin Modi chuan mipuite beisei angin ram pahnihte chuan infrastructure tih hmasawn leh ram pahnih inthlunzawmna kawnga hma an lak theih thu uar takin a sawi a, kum-9 kalta khan ram pahnih ten bus thar pathum leh a tam thei ang ber rail service tir a nih thu a sawi bawk a ni. New migration check posts leh bungraw phur leh parcels trains te 2022-khan tlan thar tir an lo nih tawh thu an sawi bawk a ni.
Hasina chuan Bengali-a thu sawiin, “Power sector leh inkalpawhna kawnga kan thawkho thei tur hian ram pahnihte hlawk tawn ve vea kan awm theihna tur a rawn pholang chiang hle a ni,” tiin a sawi a. Hasina chuan kum-2041 ah a sorkar kaihhruai chuan advanced, prosperous leh smart Bangladesh a siam tur thu a sawi a. The Akhaura-Agartala cross-border rail link hian India hmarchhak states te leh Bangladesh te a vawi khat nan rail hmangin a thlunzawm dawn a ni. Hei hian Bangladesh-a Chattogram port leh hmarchhak state-a insumdawn tawnna leh tourism te a rawn chawikang nghal dawn a ni. “Akhaura-Agartala rail link hi nakin zel atan pawh thil chhinchhiahtlak tak tur niin India Hmarchhak States leh Bangladesh inkara rail link hmasa ber tur a ni a, Khulna-Mongla rail link pawh Mongla port leh sumdawnna hmunpui Dhaka leh Kolkata te thlunzawmtu tur a ni dawn a ni,” tiin Modi chuan a sawi bawk.