INDIA Bloc MP rual ten Manipur tlawhin zirchiang dawn

INDIA bloc MP rualte tunkar tawp lama Manipur tlawha thil awm dan enfiaha zin tur te chuan a hmun an thlena thil awm dan an hriatfiah hnuah sorkar-ah rawtna an pek tur thu Opposition leader te chuan an sawi.
Manipur tlawh hmain Lok Sabha a Congress deputy leader Gaurav Gogoi chuan Manipur buaina chu Supreme Court retired judge-in chhui chiang ngei se an duh thu a sawi a.
Manipur tlawh tur zingah hian Adhir Ranjan Chowdhury leh Gaurav Gogoi of the Congress, TMC’s Sushmita Dev, JMM’s Mahua Maji, DMK’s Kanimozhi, NCP’s Vandana Chavan, Jayant Chaudhary of RLD, Manoj Kumar Jha of RJD, N K Premachandran of RSP leh T Thirumavalavan of the VCK te an tel tura ngaih a ni.
“BJP te hian Manipur-ah engkima tha vek e tia tarlan an tum a, mahse, tharumthawhna a thleng mek reng si a ni. Hei vang hian Supreme Court retired judge kaihhruaina hnuaiah inquiry neih ni se engtiangin nge state a hlawhchham an, engtiang nge mipui ten ralthuam an neih theih, sorkar in eng nge a tih chiah tih te chhui chiang se kan duh a ni,” tiin a sawi.
“Chief Minister (N Biren Singh) chuan FIR 100 chuang a awm a ti a. Eng vangin nge sorkar thla hnih chuang a muthilh. Supreme Court judge retired tawh kaihhruaina huaiah inquiry awm ngei se INDIA (Indian National Developmental Inclusive Alliance) MPs te chuan thudik hrefiah turin Manipur an pan ang” tiin a sawi bawk.
Trinamool Congress MP Dev chuan Opposition palai te chuan “Manipur mipuite tan kan awm reng” tih lantir kan tum a ni tiin a sawi a.
“Kan ngaihtuah a, remna leh muanna awm se kan duh a, sorkar a hlawhchham a, hei vang hian a hmunah kal chilhin eng nge tihtheih kan en dawn a ni,” tiin a sawi bawk.
Dravida Munnetra Kazhagam leader T R Baalu chuan Manipur pan hian inrinni zingah kan kal ang tia sawi bawkin eng nge thil kal dik loh dan te nunna chan leh property hloh dan te pawh kan enfiah ang tiin a sawi bawk.
Revolutionary Socialist Party (RSP) leader Premchandran pawhin Manipur an tlawhna chhan chu first-hand information dik tak hriatfiaha eng nge thil thlen dan dik tak hriat an tum vang tiin a sawi bawk a.
“Tharumthawhna a la thleng reng a, hei vang hian first-hand information neiha solution awm theite enfiah kan tum a, sorkar leh parliament hmaah rawtna kan nei ang,” tiin a sawi bawk a.
“Relief camp te tlawh kan tum a, a tuara te chhawmdawl dan pawh enfiah kan tum bawk a. Eng nge tharumthawhna chhuahna chhan tak chu tih te pawh hriatfiah kan tum a ni” tiin a sawi bawk. Oppostion bloc te hian a hma pawhin Manipur tlawh tumin hma an la tawh a, mahse, sorkarin a remtihsak loh avangin kal thei lovin an awm reng a ni.
Opposition te chuan Prime Minister hnen atangin parliament-ah Manipur chungchang sawina an la phur reng bawk a, hei bakah hian sawihona neih an ngiat bawk.
Manipur state hi May 3 atang khan buainain a tuam tawh a, mi 160 chuangin nunna an chan phah tawh bawk.