INDIA bloc MP thahnem tak te chuan July 1 khan parliament premises ah sorkar in Opposition leader te ‘target’ bika probe agencies te a hmangsual tiin lungawilohna an lantir.
Lok Sabha-a Leader of Opposition Rahul Gandhi bakah INDIA bloc leader thahnem tak te TMC leh AAP te pawh telin an pungkhawm a, Makar Dwar panna step ah lungawilohna an lantir a ni.
Opposition leader te chuan placard kengin ‘Opposition te ngawih tir nan probe agency te hmang tawh suh u’ tih leh ‘BJP zawm la, corruption license i nei a ni mai’ tih te an keng a ni.
AAP MP Raghav Chadha chuan Delhi Chief Minister Arvind Kejriwal bar hnunga a dinglai thlalak a keng thung a.
Opposition MP te chuan slogan aupuiin West Bengal a minister pathum mante chhuah an ngiat bawk a, Rashtriya Janata Dal (RJD) leader Tejashwi Yadav leh Jharkhand chief minister hlui Hemant Soren te laka ED hmansual chu an duh loh thu an tarlang bawk.
“INDIA bloc pum chuan Central agencies te opposition leader te laka hmansual an ni hi kan duh lo a ni,” tiin Congress leader Rajeev Shukla chuan a sawi.
Opposition ten lungawilohna an lantir hma lawk hian Court chuan Delhi CM Kejriwal chu corruption case-ah July 12 thleng judicial custody a a awm remtihna a pe a. Kar kalta khan CBI te chuan an man a ni. A hmain mone-laundering case-ah ED ten an man tawh bawk a. Tun hnai lawkah trial court chuan bail a pek chu Delhi High Court-in a stay sak zui bawk.
Hemant Soren erawh karkalta Zirtawp khan High Court-in money laundering case-ah tho bail pein chhuah lailawk a ni thung.
INDIA bloc MP ten lungawilohna lantir
Get real time updates directly on you device, subscribe now.
Prev Post