India-in Asian laili ram pangate inbiakna thleng dawn

India-in Asian laili ram pangate inbiakna thleng dawn
India chuan Zirtawpni hian Asian lailia ram pangate inbiakna a thleng dawn a, heng ramte hian an awmna lai chin thil hrang hrang bakah khawvelin harsatna a tawh mek, firfiaka chetna a huhova do dan turte an sawiho dawn.
India-Central Asia Dialogue neih hma hian Ningani khan India-Central Asia Business Council chu neih a ni tawh bawk a, hetah hian sumdawnna thil leh investment chungchang sawi a ni a. India-in Asian ram lailite intawh khawm a thlen hnuhnung ber chu New Delhi-a December, 2021-a nghah kha a ni.
India hian tun hnaiah Kazakhstan, Kyrgyzstan, Tajikistan, Turkmenistan leh Uzbekistan ramte hi a hnimhnai hret hret a, hei hi China lian zel do letna atana a tih a ni pakhat.
Kum 2020 khan India hian Asian lailia ramte hmasawnna hnathawh nan dollar tluklehdingawn 1 a lo puktir tawh a, heng ramah hian vantlang tana tangkai tur thil hrang hrang siam nan hman a ni.
Kazakhstan atangin deputy prime minister, foreign minister ni bawk, Murat Nurtleu a tel dawn a. Kyrgyzstan atangin Foreign Minister Zheenbek Kulubaev, Tajikistan atangin Foreign Minister Sirojiddin Muhriddin, Turkmenistan atangin Foreign Minister Rashid Meredov leh Uzbekistan atangin Foreign Minister Saidov Bakhtiyor Odilovich te an tel dawn a. A thlengtu aiawhin External Affairs Minister S Jaishankar a tel bawk ang.
Jaishankar-a hian ram pangaa foreign minister-te hi a kawm dawn a, Prime Minister Narendra Modi pawh an kawm hlawm dawn bawk.
India hian Asian laili ramte Modi-a’n January, 2022-a an president theuh thlenga India-Central Asia Summit a neihpui atang khan a hnaih lehzual a. Heng ramte hian India hi thawhpuia India hnuaia firm-in a enkawl, Iran-a Chabahar lawngchawlhna hman tangkai an duh hlawm a ni.
Firfiaka chetna do let leh chi leh sakhaw bing lak natna tihtawp kawnga chetna chu India an thawhpui chhan lian a ni bawk a. Tun hma khan India hian heng ram pangate hi Afghanistan chungchangah a lo thawhpui tawh thin a. Firfiak beihna leh cyber security-ah heng rama mi thiamte hi training a lo neihpui tawh thin bawk.