India-in drone siam nan China bungrua hnawl

India chuan China siam bungruate drone siam nana hmante chu China atanga chawkluh a khap a. Hei hi India security atana pawi thei nia ngaih vang a ni.
Tun hnaiah nuclear ralthuam nei ram pahnihte inkarah inbakkaihna nasa tak thlengin New Delhi chuan military modernisation a kalpuina kawngah drone changkang leh tha zawka siam tuma hmalakna a kalpui mek a ni.
Mahse Indian industry tena India sipai mamawh phuhruk an tumna lamah defense leh industry figures te chuan Indian security leaders te chuan intelligence-gathering lamah Chinese siam drone bungrua heng camera, radio transmission leh software te hman chu security tana pawi thei tiin an sawi a ni.
India hian kum 2020 atang daih tawh khan surveillance drone lakluh lamah khuahkhirhna a lo siam tawh a, chu chu military tender documents te atangin hriat theihin a awm tih a ni a.
Kumin February leh March thla khan drone tender an tihchhuahah Indian military officials te chuan bidders te hnenah ‘India nena ramri nei ramte atangin security kaihhnawih thilah bungrua leh subcomponents te lakluh phal a ni lo’ tiin an lo sawi tawh a ni.
Indian senior defence official pakhat chuan India mai ni lo thenawm ramte pawhin China bungrua kaihhnawihah ngaih thatlohna an nei tia sawiin chuti chung chuan Indian industry te chu loh theih lohin cyber attack thleng reng chungin khawvel economy lian ber pahnihna China lakah thuk takin an innghat tiin tarlan a ni bawk.
US Congress pawhin kum 2019 khan Pentagon chu China-a siam drone te leh a bungruate lei a lo khapsak tawh bawk.
Prime Minister Narendra Modi chuan tun hnaiah India-in drone lam theihna a neih chu tihsan tur tia sawiin tun hnaia China nena ramri a India sipaite inbeihna thlen hnuah heti lam hawi zawnga hmalakna tihchakin a awm nia sawi a ni bawk a.
India chuan kum 2023-24 ah military modernisation atan $1.6 billion a dah a, heta tanga 75% chu ram chhunga hman tura a tih a ni.
Mahse Chinese parts te lei khapna hian India ram chhunga drone siam man a tisang lo thei dawn lo tia sawi a ni bawk a. China bungrua chu tha tho si leh man tlawm tak a nih vang niin industry expert te chuan an sawi.
Sameer Joshi, founder of Bengaluru-based NewSpace Research and Technologies, India sipaite hnena drone tenau supply-tu chuan drone siamna bungrua 70% chu China siam tiin a sawi a. “Polish mi hnenah kan duh thlen ila, a hnen atanga bungrua kan neih tur tam tak chu China siam tho a la ni ang,” tiin a sawi.
Chinese siam bungrua ni lo chauh hman tur tih chuan a siamna man a tipung nasa dawn tiin Joshi chuan a sawi bawk a. Manufacturer tam tak te chuan China atangin material la zel thovin amaha label thlakin a man tihtlawm nan an hmang tho ang tiin a sawi.
Sorkar chuan ram chhunga drone te siam a nih theih nan indigenous Medium Altitude Long Endurance unmanned system programme kalpuiin hma a la tawh tiin Y. Dilip, director of the state-run Aeronautical Development Establishment (ADE) chuan a sawi a.
Platform pakhat Tapas te chuan mamawh engkim an nei tluk a ni tawh a, mahse sipai tena an mamawh drone 30,000 feet vel thlawk thei leh boruaka 24 hours awm thei siam tur chuan hmabak an la nei tiin Dilip chuan a sawi a.
Tapas te bakah hian tun thla hian military trial nei thei tur ADE te chuan stealth unmanned platform leh High Altitude Long Endurance platform an kalpui mek a, mahse, a tak ram thleng tur chuan kum a la ngai ang, an ti bawk.
India chuan a mamawh phuhruk nan June thla khan US siam 31 MQ-9 drone chu $3 billion chuangin lei tur a nih thu a lo puang tawh bawk a.
R.K. Narang, drone expert, government’s Manohar Parrikar Institute for Defence Studies and Analyses chuan “Mamawh tawk ram chhunga siam theih a nih hma chuan a karawl hnawh khat turin national strategy neih a ngai tlat a ni,” tiin a sawi.
Finance Minister Nirmala Sitharaman chuan kumin February thla khan India-in defence research leh development atana sum a dah $2.83 billion atanga 232.6 billion chu private industry te atanga lak nana hman tur tiin a sawi.
Senior Defence official-te chuan India chuan domestic manufacturing tihchangtlun theih nan chuan a man sang zawk pawh a remtih a ngai a ti a. “China atangin hmanrua lei dawn ila mahse India rama siam duh bawk si ila a man chu 50% in a to nghal dawn a ni. Ram kan nihna angin kan rama dina siam turin ecosystem kan siam a ngai,” tiin a sawi.