India sipaite chetla lai thehdarh phal a ni lo

India sipaite chetla lai
thehdarh phal a ni lo
India sawrkar chuan ramchhung hmun hrang hranga a siapite chetla lai thlalak leh video vantlang hmuh theiha thehdarh a remti lo.
Sawrkar laipui Ministry of Information and Broadcasting-in ram mipui hriat tur tichhuakin, media platform, news agency leh social media hmangtute hnenah India ram himna kaihhnawih operation thila dan leh hrai awmsa uluk taka zawm turin thurawn leh ngenna a siam.
Military/Air Force lam thuruk leh official information lakkhawm, record, thehdarh emaw sawidarh chu Section 3(l)(c) of the Official Secrets Act 1923 hmanga hrem theih niin, kum 14 thleng lung in tan theih a ni tih a sawi.
Heng dan leh hrai bakah hian, India sawrkarin advisory-a ngenna a siam ang hian, armed forces-te hmalakna kal lai reng reng mipui fimkkhur loh vanga tih buai a nih lohnan mipui tanrual chu tih makmawh a ni tih a sawi bawk.
Hemi bawhzui hian Aizawl district magistrate chuan district mipui chu Armed Forces of the Union of India chetla lai leh an hmalakna reng reng lo record, lakkhawm leh thehdarh lo turin a hriattir a ni.