India team-in Rinpuii goal chakpui zo lo

June ni 8-17, 2025 chhunga Mizo tleirawl pahnih telna Indian Junior Women’s Hockey Team-te’n European tour an kalpuiah Thawhlehni khan an match 5-na leh a hnuhnung ber ni nghalah junior women’s world ranking-a number one ni mek Netherlands an hmachhawn leh a, Hnahthial tleirawl PC Lalrinpuii goal-in India tlawm tur a chhan zo lo a, penalty shootout-ah Dutch team an vannei ta zawk a ni.
He inkhelah hian team pahnihte hi an inbei tawk hle a, hun pangngai minute 60 chhung hian khawi lam ve ve pawhin goal khungna hun tha nei mah se an puitlin zo lo ve ve a, penalty shootout hmanga thelh an ngai ta a ni.
Shootout-ah hian Larinpuii leh Prianyanka Yadav chuan India tan goal thun mah se lehlam tan Immede Leeuw, Roos Alkemade leh Lotte Rist-te’n an thun tak avangin Europe team tha kha 3-2-in an chak ta hram a ni.
He European tour an kalpui chhung hian India junior team hi anmahni aia world ranking-a sang zawkte nen tum nga an inkhel hman a, tah chuan tum li chakin, tum khat an vanduai ta hlauh a ni.