Indian football chhanchhuahna kawng dap turin sawrkar laipuiin emergency meeting a ko!

All India Football Federation (AIFF) lamin top-tier Indian Super League (ISL) telin domestic league huaihawttu tur sumdawng thawhpui a hmuh zawh loh avangin club football league a chawl rei ta hle a, Supreme Court meuh inrawlh mah se awmzia tak tak a la neih theih chuan loh avangin sawrkar laipui hial a inrawlh a ngai ta a ni!
Vawiinah union sports minister Mansukh Mandaviya chuan emergengy meeting koin, tah hian national federation telin Indian football-a chanpual nei zawng zawng aiawhte bakah sumdawnna lama AIFF thawhpui hluite leh club hrang hrang aiawh an tel dawn a ni.
He meeting-ah hian tun dinhmuna Indian football-in harsatna a tawh mek leh a chinfel dan tur minister ho hian an ngaihtuah tlang dawn a, eng hmasawnna tak thlen ang maw?!
ISL huaihawttu ni tura AIFF-in kum 15 chhung atana a thawhpui Football Sports Development Limited (FSDL) nena an thawhdunna ‘15-year Master Rights Agreement (MRA)’ an tih mai chu tun, December ni 8 hian dan angin a tawp fel tawh dawn a.
AIFF hian MRA ziahpui tur zawnna tender tichhuak tawhin, chhangtu an awm loh hnuah chhan theih hun chhung pawtsei leh tawh mah se tun thlengin chhangtu an la hmu zo lo a; hei vang hian Indian domestic football-in harsatna lian mangkheng a tawk mek a, tualchhung football a ding thup mek a ni!