Indonaa thil kahin a tlak vangin Saudi-ah Indian thi
Indonaa thil kahin a tlak vangin Saudi-ah Indian thi
Saudi Arabia-a chenna in pakhatah indona kaihhnawiha thil keh darh tlain mi pahnih a delh hlum a, mi 12-in hliam an tuar niin thuneitute chuan an sawi a. Thite hi Indian leh Bangladeshi niin an sawi.
Saudi Civil Defence thuneitu chuan thuchhuah siamin thite hi India leh Bangladesh mi pakhat ve ve an nih thu a sawi a. He thil hi Al-Kharj khawpui chhunga mihring chenna venga thil kah chhuah keh them tla niin a sawi.
Saudi thuneitute chuan social media-ah, “Civil Defense thupuangtu chuan Al-Kharj Governorate-a thil thawm leh tifaitu company awmna hmuna sipai thil kah chhuah tla chu Civil Defence-in ngaihven a, he thil thlengah hian India leh Bangladesh mi mi an thi a, Bangladesh mi 12-in hliam an tuar bawk a, thil chhia a awm bawk,” an ti.
Thuneitute chuan thite hi an la puang chiang lo va. Saudi thupuangtu chuan civil mite hmunhma beih tumna chu khawvela mihring inlainatna dan bawhchhiatna chiang tak a nih thu a sawi bawk.
Saudi Arabia-a Indian palai, Suhel Ajaz Khan-a chuan Indian cheng leh awm mekte aiawhte nen inbiain US-Israel tangdunin Iran an beih hnuah tanpuina pek an ni danw tih a hrilh.
Palai hian tanpuina mamawh Indian zawng zawng puina pe tura a inpeih thu a sawi tih Saudi Arabia-a Indian embassy chuan X-ah a tar lang.
Saudi Arabia-a Indian mission chuan an mipuite fimkhur chhunzawm zel tur leh himna kaihhruaina zawm tur leh tual chhung thuneituten thurawn an tihchhuahte tha taka zawm turin a ti bawk.
“He bial leh Kingdom of Saudi Arabia-a thil awm dan thlirin tuna Kingdom of Saudi Arabia-a awm mek Indian zawng zawngte chu fimkhur chhunzawm zel tur leh Kingdom of Saudi Arabia-a himna kaihhruaina hman mekte khauh taka zawm tur leh tual chhung thuneitute leh embassy-in thurawn an tihchhuahte zawm turin an hriattir a ni,” tiin embassy chuan X-ah a tar lang.
Saudi Arabia-a Riyadh, Jeddah, leh Dammam atanga India khawpui hrang hrangah airline eng emaw zat an thlawh chhunzawm zel tih a sawi bawk.
“India leh Saudi carrier pahnihin Jeddah leh Madinah-ah ruahman sa angin an thlawk a, India rama zin duhte chuan heng thlawhna hi an hmang thei,” a ti bawk.