Indonesia tlangkang vangin mi 9 boral tawh

Indonesia tlangkang vangin mi 9 boral tawh
Indonesia rama Disaster Management Agency te chuan nimin khan an thliarkar pakhat Flores ah tlangkang zau zel an neih thu sawiin, mi 9 velin nunna an chan tawh thu an sawi.
He tlangkang hi an sawi danin kar liamta tawp lam atang khan a nasa chho hle a, Mount Lewotobi Laki Laki tia an sawi niin, chirh sa tak a phuhchhuak nasa hle bawk niin an sawi.
Ram chhunga inbun volcanology agency te chuan tlang kang hi a nasat lai a thleng chho mek nia sawiin, thawhtanni zanlaiah phei chuan a let hnih chuanga sa chirhsa tak a phuhchhuah theih tawh an rin thu an sawi a, tlangkang thawm hi a ring hle bawk nia sawi a ni.
Tlangkang hi a nasat telh telh avangin boruakah pawh meter 2000 chuang chu a bial chin a zauh niin sawi a ni a, hei hi a zau zel dawn nia sawiin, a bul hnai vela khawsate pawh an ram thuneitute chuan hmun him lamah an thiarchhuak nasa tawh hle.