Industries department rama dan loa awm leh allotment pek anga hma la lote chu chhuahtir emaw an allotment cancel emawa hma lak a ni dawn.
Commerce & Industries minister F Rodingliana hoin Industries ram thubuai chingfel tura hmalakna kal mek chak zawka kalpui dan ngaihtuahin Commerce & Industries department, Revenue department official-te leh Aizawl bawrhsap pisa-a official ho an thukhawm a. Dan loa Industries department ram luahtute leh industry dinna tura allotment pek tawh, allotment pek an nih anga hmang lote chhuahtir emaw an allotment cancel tura umzui mekah hmalak tawh chin thlirletin, chak zawka tihhlawhtlin dan tur rel a ni.
Industries ram huamchhunga dan loa awmte leh allotment anga hma la lo te chu insasengna hun pek nise, hun tiam ral rualin Joint Task Force din ten a hmunah kalchilhin thupek zawm lote zawnchhuah nise, an ti.
Document leh pass pe chhuak theitu dik tak (competent authority) in a pekchhuah ni lo hmanga Industries ram luahte leh allotment hmang dik lote chu rang taka chhuahtir turin chak lehzuala hma lak an rel a. Mi thenkhat, Industries ram zuar an awm tih sawi niin, heng ram hi lo leisak lo turin mipui fimkhur turin an chah.
Industrial Growth Centre(IGC) Luangmual ram chinfel chu hmalakna hmasaa neih tum niin, a dang pawh rang taka bawhzui chhoh zel an tum a ni.
Industries rama dan zawm lote sawrkarin enfiah dawn
Get real time updates directly on you device, subscribe now.
Next Post