Inkhawmpuina tur peihfel
UPC (NEI) General Conference vawi 56-na neihna tur Kolasib Vengthara pandal sak, tunhnaia thli in a tihchhiat chu sakthat chhunzawm a nih hnu ah Thawhlehni khan zawhfel a ni. Electric wiring khawih mek a nih bakah pandal chhung leh pawn chei pawh Thawhlehni hian zawhfel hman beisei a ni a. Inkhawmpui hi April 25, Ningani atanga tan tur a ni.
Thli thawkin a tihchhiat sak hnua pandal sak that hnatlang hi Kolasib khawchhunga UPC-NEI Pastor bial hrang hrang bakah Kawnpui, Bilkhawthlir, Bairabi, Vairengte leh Sihphir bial atangin kohhran mi an hnatlang a. Kolasib Vengthar khawtlang atangin hnatlang hi an awm reng bakah Vengthar Presbyterian Kohhran leh Salvation Church atangin tanpuina an dawng bawk.