Inter school taekwondo zo fel

Thawhtanni khan 6th Mizoram Inter School Taekwondo Cham-pionship chu zawh fel niin, Govt. T. Romana College principal Dr. Jenifer Lalbiakdiki’n a khar.
Inter school taekwondo championship vawiruknaah hian primary school inelnaah point 770 hmutu Presbyterian School, Armed Veng South chu team champion niin, St. Mary’s School, Electric Veng chuan point 570 hmuin runners up team trophy an chawi.
Middle school inelna huang-ah Home Mission School, Zarkawt chuan point 1270 hmuin team champion an ni a; Mary Mount School, Tlangnuam chuan point 830 hmuin runners up team nihna an hauh.
High school inelna huangah point 810 hmutu 1st Bn. MAP School chu team champion niin, point 360 hmutu Ephraim School, Vaivakawn chu pahnihna an ni.
St. Lawrence School, Ramthar chuan kutah Active Participation TeamTrophy a lut ve bawk.
School teakwondo inelnaah hian school 53 atangin zirlai 312 an tel a; St. Mary’s School chuan zirlai 29 thawhin tel tam ber a ni.
Kharna inkhawm hi MATA senior vice president Master VL Sawma’n a kaihruai a; MATA ge-neral secretary Master Joseph Thansanga’n championship report pein, MATA president Prof. Rual-khuma Colney-in thu a sawi a; EC member H. Lalrammawia’n lawm-thusawina hun a hmang thung.