Inthlan dawnah party office a thawl

Inthlan a hnai a, campaign hun a tawp tep. Political
party te’n theihtawp an chhuah mek a, Aizawla party office-te erawh a thawl.
MNF, Congress, ZPM office a lun lo; office nghak an awm a, mi an ri luih luih lo.
Nilaini khan AICC president Sonia Gandhi-i’n video conference hmangin Delhi atangin Mizoram Congress party-te hmaah thu a sawi a, Bhavan-a a huhova lo ngaithla an thahnem lo. Hemi ni vek hian Hnam Run pawh chawhnu lamah chuan kawng an bik chu a kawngkhar an khar. ZPM pawh tun hnaiah an office a lun lo.
Party hrang hrangte hian campaign-a an chhuah nasat thu an sawi a, an zin chhuah nasat thu leh zin chhuak lote pawh Aizawl veng hrang hranga an kal thu leh chu chu office a lun loh chhan a nih thu te an sawi.
Bial hrang hrangah khaw tin tlawh chhuak turin mi an intir tih an sawi a, ni tinin zin chhuak tur mi thahnem tak an zin chhuak tih te an sawi. Bial khatah mi 10 chuang an zin chhuak deuh reng tih te an sawi bawk.
Campaign-a an chhuah nasat thu chu thuhran ni se, party mite’n pu chuam an neih vanga campaign-a chhuak nasa, chuvanga party office pawh ruak a ni thei tih thu dawn a ni.