Intlanchhawk hun thlak hret

Intlanchhawk hun thlak hret
Mizoram sawrkar hriattirna tihchhuahah sawrkar office kai dan, thlasik hun chhung atan tihdanglam a nih avangin dan awmsa tlawhchhanin senior SP Traffic chuan Aizawl khawpui chhunga lirthei intlanchhawk ruahmanna chu nipui hun chhung – kumin March 3 atanga September 30 thlengin a thlak danglam.
Lirthei zawng zawng (mimal, sawrkar leh bungraw phur lirthei leh district dang lirthei leh state pawna lirthei register te huamin) intlanchhawk hian zing dar 9.30 atanga tlai dar 6.00 thleng a huam a. Lirthei intlanchhawk hian Inrinni (Saturday), Pathianni (Sunday) leh sawrkar holiday a huam loang.
Taxi (LMV leh two wheeler) chu sticker A, B leh C hmanga intlanchhawk kalpui mek angin, zing dar 9.30 atanga tlai dar 6.00 inkar an intlanchhawk anga, Inrinni (Saturday) bikah chawhnu dar 1.00 atangin an vaia tlanchhuah phalsak an ni. Pathianni (Sunday) leh sawrkar holiday ah pawh taxi (LMV leh two wheeler) hi an vaia tlanchhuah phalsak an ni.