Intlansiak laia car hman vanga hrem tawk Zakrzewski

Glasgow khawpuiin 2014 Commonwealth ma-rathon a thlen tuma 14-na luahtu ultra-marathon runner Joasia Zakrzewski chu kumin April ni 7 intlansiaka car a lo hmanruk an manchhuah avangin UK Athletics chuan thla 12 chhung atan inelna hma-chhawn thei lo turin an hrem.
Great Britain rama intlansiak hautak pakhat, tlankawng thui ni satliah mai lo, kawng bumboh, kham leh suar, tlang leh thlaler thlenga paltlang ngai chi ‘ultrarunning’ an tih mai 2023 GB Ultras an tihah Manchester khua atanga Liverpool thleng mel 50 zeta thui chu kea tlanchhuah tur a nih laiin mel hnih leh a chanve zeta thui chu car-ah a lo chuang tih tlankawng vilna (tracking infor-mation) atangin a hnuah hriatchhuah a ni a, pa-thumnain a ken tel lawm-man medal leh trophy a dawn fel diam hnuah an hrem zui ta a ni.
Kum 47 mi ni tawh Zakrzewski hian a chung-chang ngaihtuah inde-pendent disciplinary panel official-te hnenah car a hman thu hi a zep zo ta bik lo a; inelna hmachhawn zui tawh loa race zawh ve hrim hrimna’n car a hmang tih a sawi a, mahse, pathumna lai a ni ta si a, a hun laia engmah sawi chuang loin medal leh trophy a dawng fel et a, a hnuah a mualpho zui ta erh a ni!
Zakrzewski hi medical doctor niin, ultrarunning a luhchilh hma chuan race doctor leh expedition medi-cal officer hna a thawk thin.
Scotland rama Dum-fries khawchhuak niin, tunah Sydney khaw dai-femah a cheng mek a ni.