Investors summit-ah state aiawh intir

Investors summit-ah state aiawh intir
Sawrkar laipuia Ministry of Development of North Eastern Region chuan Mumbai-ah Thawhtanni khan North East Trade and Investment Roadshow a buatsaih a, Mizoram sawrkar aiawh official-te telin, Planning & Programme Implementation joint secretary Chingthanmawii Guite chuan a ho.
Roadshow-ah Union minister for Communications leh DoNER Jyotiraditya M Scindia, Tripura chief minister Prof (Dr) Manik Saha, Meghalaya chief minister Conrad K Sangma te bakah DoNER secretary Chanchal Kumar, senior official dangte leh hmarchhak state 8 aiawh team an tel a. Mumbai leh a chhehvel ami investor 100 chuang an tel bawk.
Planning joint secretary hian Mizoram sawrkar aiawhin investment kawng hrang hrang awm a sawizau a ni.
He investors summit peng pakhat, Business to Government thutkhawmah hmarchhaka sum peipunna kawng zawng, investor hrang hrangten state sawrkar official-te dawrin, an company-in sumdawnna kawng awm thei nia an hriat an sawipui a, investment policy chungchang leh thil dang an hriat duh an zawt bawk.
Mizoram Team-ah hian sawrkar official bakah startup sector atangin mi pahnih an tel a ni.