IPL 18-ah RCB an chak nghal

Inrinni zan khan Cricket club te inelna lian leh sum tamna ber Indian Premier League (IPL) 2025 khelh tan a ni a, Royal Challengers Bengaluru (RCB) in hnehna an chang nghal. RCB tan hian senior player Virat Kohli a chetha leh pek hle.
IPL 18 bul tannaah Royal Challengers Bengaluru hian Kolkata Knight Riders an hmachhawn a, wicket sarihin hnehna an chang. Champion lai Kolkata Knight Riders hian RCB lakah bul an tan tha viau a, Over 10 lekah run 107 an siam hman a, pakhat chiah an out. Bul tan tha viau mah se a tawp an khar tha thei lo thung a, over 20-ah mi pariat an out a, run 174 an siam.
Champion lai Kolkata Knight Riders run siam sa hi lehpelh ngei tumin Royal Challengers Bengaluru in lehpelh ngei tumin an um. RCB hi an khel tha chho viau a, over 16 leh ball 2-ah an targer khumin run 177 ngawt an siam a, mi pathum chauh out in an khingpuite hi wicket 7 ngwtin an hneh zui ta a ni.
IPL 18-a inkhel hmasa berah hian Royal Challengers Bengaluru tan Virat Kohli chuan ball 39 a hmachhawn atangin run 59 a siam a, hnehna an chan thlengin a out lo. Kolkata team lian tana run siam hnem ber Rahane chuan ball 31 atangin run 56 a siam ve thung.
Cricket a inelna lian Indian Premier League season 18-na hi March ni 22 khan khelh tan a ni a, May ni 25-ah khelh zawh tura ruahman a ni. IPL 18-ah hian team 10 an inel dawn a. Team 10 te hi group hnihah team panga ve ve in then an ni a. Group khata awmte hi vawi hnih theuh an inkhel ang a, chuta tanga point hmu sang pahnih te chu play-off khel turin an tling ang. Group A-ah Chennai Super Kings, Kolkata Knight Riders, Rajasthan Royals, Royal Challengers Bengaluru leh Punjab Kings te an awm a. Group B-ah Mumbai Indians, Sunrisers Hyderabad, Gujarat Titans, Delhi Capitals leh Lucknow Super Giants te an awm ve thung.