I&PR-in Bana Kaih Scheme puanzar uar dan tur sawiho

Directorate of Information & Public Relations chuan sawrkar flagship ‘Bana Kaih Scheme’ chungchang mipui hnena uar zawka zirtirna kalpui dan tur leh he scheme hnuaia hlawhtlinna chang, media kaltlanga puanzardan tur inzirtirna Zirtawpni khan Aizawlah a buatsaih a. District tina DIPRO leh AVPA an tel.
Publicity & Documentation Workshop on Bana Kaih Scheme nodal officer, deputy director Emily Lalrinpuii Sailo chuan Bana Kaih Scheme chu ram hmasawnna tura thalai thiamna leh theihna neiten tangkai taka an chhawr theihnan, media kaltlangin an hriat tur pawimawh puanzar thin a pawimawh tih a sawi a. Asst. nodal officer Hmingthanzuala chuan Bana Kaih Scheme Phase-I chhunga publicity kalpui dan sawi a. Phase -I kalpui chhunga loan component leh CM Special Package dawngtute hmalakna enpui zung zung a tul tih a sawi.
District tin atangin District Information & Public Relations Officer-ten an district enkawla mipui hnena Bana Kaih Scheme zirtirna an kalpui tawh dan leh kalpui chhunzawm dan tur enho a ni a. Phase-I Ieh II a progress partner thlanchhuahte hmalakna, a hmuna enpuia documentation tih dan tur sawi a ni.
I&PR joint director Mina Zoliani chuan, Bana Kaih Scheme chu ram tihhmasawnna tura theihna neite thuam chak lehzualna tur, Mizoram sawrkar flagship programme a nih angin sawrkar hnathawk an nihna zawn atang pawhin ngaihpawimawh hmasaka nei zel turin a fuih.