Iran lungalhthei khura chhiatna thlengah mi 50 chuang boral

An ram huna inrinni tlai lam dar 5 vel khan Iran hmarchhak lam lungalhthei khur pakhatah chhiatna thlengin, hriat theih chinah mi 51 in nunna an chan a, mi tam takin hliam an tuar bawk.
Thenkhat sawi dan chuan lungalhthei khur hi rawn chim thut nia sawi a ni a, thenkhat erawh chuan gas leak awmin, chu chuan kangmei a rawn siam a, a rawn alh chho ta hluai niin an sawi ve bawk.
Iranian President Masoud Pezeshkian chuan, nunna chan leh hliam tuarte bakah, an chhungte zawng zawng a tawrhpui thu sawi nghalin, a changtu minister te nen kan sawiho hnuah tha lehzual zawkin kan din thar leh ngei ang. Iran hi lungalhthei ngah ber leh lungalhtheia hausa ber kan ni a, hei vang hian chhiatna thleng hi tim phah nan kan hmang tur a ni lo, nunna chan leh hliam tuarte pawh tanpuina leh ralna kan pe ngei ang, a ti.
Lungalhthei ngah ram an nih avangin Iran hian chhiatna pawh an lo tuar ve zeuh zeuh tawh a, tunhnaiah chuan tun tum hi nunna chan an tam ber tum niin, tun tuma chhiatna pawh hi a chhan dik tak chhuichhuah chian ngei an tum thu an sawi.