Iran missile vangin West Bank-a salon-ah Palestinian hmeichhe pathum thi

Iran missile vangin West Bank-a salon-ah Palestinian hmeichhe pathum thi
Iran missile-in Israel-in a awp chin West Bank-a beauty salon pakhat a fuhah Palestinian hmeichhe pathum an thi a, mi dang pariat an hliam bawk.
Israeli sipaite chuan BBC hnenah hmeichhiate hi ‘cluster munition missile hmanga kah’ vangin an thi niin an sawi a. Palestinian Red Crescent Society (PRCS) chuan ‘missile keh them darhin pawi a khawih nual’ tih an sawi bawk.
He thil hi Hebron bula Beit Awwa khuaa Nilaini zana thleng a ni a. Hmeichhiate hi Iran indona avanga West Bank-a Palestinian thi hmasa ber an ni.
Hetih lai vel hian Israel-a missile puak keh darhin lo neitute chenna lai a fuhah Thai hnathawk pakhat a thi niin Israeli damdawi inten an sawi.
Israeli sipaite chuan kah a nih hma lawk hian Iranian missile chu kah thlak tuma an beih thu an lo sawi tawh.
Salon hi in pakhat bul, thira hung tur chhunga awm a ni a. Tual chhung mite chuan a fuhtu hi yard tlem tea hlaa tla a nih thu leh salon chhung a sawpchhe hle niin an sawi.
A bul step-ah hmeichhia an thukhawm a, Eid al-Fitr chawlh hmaa an tin chei tuma an nghah mek lai a ni a. Bang leh kawngkhar chu a kaw huau a, in bang kua chuan hmeichhiate lam hawi hian a puak ngei tih a lang.
Iran hian Israel hi cluster-bomb hmang missile-in a kap fo tawh a. Heng ralthuam hi a thlawhna laiin bomb tenau tam tak tichhuak thei niin hmun zau takah an puak darh thin.
Wafa chuan salon-a thite chu Mais Ghazi Masalmeh, kum 17, Sahira Rizq Masalmeh, kum 50 leh Amal Sobhi Abdel Karim Matawa’ Masalmeh, kum 36 te an ni tih a sawi.
PRCS chuan response team-te ambulance panga vel nen an tlan nghal a, ‘mi eng emaw zat thi leh hliam tuar’ an hmu tih a sawi.
Hmeichhe pathumte ruang hi tual chhung damdawi-inah phurh a ni a, hliam tuarte hi na deuh hlek pawh an awm tih an sawi.
PRCS hian a hmain hmeichhe pali thi niin an sawi a, a hnuah pathum tiin an sawi leh.
He hmun panna hi thir kawngkhar a nih avangin thawktute chuan an thleng mai thei lo va, hei hian ‘hliam tuarte chhanchhuahna kawngah nghawng a nei’ tih an sawi bawk.
Israel-ah hian Tel Aviv khawchhak lam km 20 vela hla, Moshav Adanim-ah kum 30 mi, Thai inhlawhfa, Chaiwat Weaw-nil a thi bawk a. Israel-a Magen David Adom emergency service chuan Chaiwat thia hmuh a nihna hmunah hian ‘zau taka thir keh darh tla darh’ a awm tih an sawi.