Iraq atangin US sipai chhuak dawn

raq leh United States te chuan US kaihhruaia anti-jihadist coalition a tahtawla inhnuhdawh remti tain mahse inremna siamfel chiah a la ni lo tiin Iraqi defence minister chuan a sawi.
United States chuan Iraq-ah sipai 2,500 vel la dah mekin Syria-ah 900 vel a la dah bawk a, hengte hi Islamic State group te laka international coalition kal zel a ni.
Heng sipaite an inlakchhuah theih nan hian Baghdad nen a thlaa thla inbiakna kalpui tawh a ni a, mahse, inremna siamfel theih chiahin a la awm thei lo a ni.
Iraqi Defence Minister Thabet a:- Abbassi chuan Arab television channel Al-Hadath hnenah coalition forces te chu Baghdad base atangin inhnukdawk hmasain September 2025 hmain federal Iraq hmun hrang hrang atangin an inhnukdawk ang a, September 2026 hmain northern Kurdistan region atangin an inhnukdawk fel bawk ang tiin a sawi.
Inhnuhdawh chu thuang hniha kalpui tur tia sawiin ni rei lo te hnuah inremna kan ziak ang, tiin Abbassi chuan a sawi bawk.
US Secretary of Defense Lloyd Austin chuan meeting neihnaah inhnukdawk vek turin ‘kum hnihin a daih lo’ tiin a sawi a. “Kum thum chhunga inhnuhdawk vek an rawtna kan hnawl a ni” tiin Abbassi chuan a sawi ve thung.
Coalition forces te hi drones leh rocket hmangin Iraq leh Syria ah beih tawk chamchi an ni a, chu chu Israel-Hamas indona Gaza a nikum October thla atanga a thlen hnuah a nasa zual a ni. US forces te chuan Islamic group te chu an chhang let zel bawk.
Islamic State group te khan kum 2014 khan Iraq leh Syria ram zautak lain an awp hman a, a hnu kum thumah Baghdad-in hnehin kum 2019 khan Syria-ah pawh tukzalin an awm zui a ni.
Mahse jihadist fighters te chu thlaler lam hnaihah la inbun zelin chet an la zui zel a, mahse, territory thunun emaw awp emaw erawh an nei tawh lo thung.
Iraqi security forces te chuan tunah chuan IS la bangte chu ram dang puihna tel lovin an tukdawl thei tawh tia sawiin hlauhawm tia sawi tur an ni tawh lo an ti bawk.