Iron Maiden Colombia concert tur ticket 21 chhungin ticket hralh zo

Iron Maiden chuan 2024 November-ah El Campin Stadium, Bogota, Colombia-ah concert an nei dawn a, tun kum 13 chhunga he South American khawpuia show an neih lehna hmasa ber tur a ni a, concert hun hi thla 11 vel zen zawn la awm mah se ticket zawng zawng minute 21 chhungin an hralh zo nghal vek.
Ticket hi 42,000 siam a ni a, promoter Move Concerts chuan Colombia-ah concert ticket advance-a sell out hmasa ber niin an chhal a, show hi nakkum November ni 24-a neih tur a la ni chauh lehnghal.
Move Concerts Colombia-a an managing director Alfredo Villaveces chuan, “An rawn kal hnuhnun ber kha a rei ve leh ta deuh a, chuvangin ticket hralh that chu kan inring sa tho a, March ni 20, 2011 kha an rawn perform hnuhnun ber a ni, mahse, hetiang em em, minute 21 chhunga hralh zawh vek te hi chu mumang lamah pawh kan man phak loh a ni,” a ti.