ISI nena inzawm Khalistani firfiak man
Pakistan-a hnuchhui pawl, ISI nena inzawmna nei ni ngeia hriat, Babbar Khalsa International (BKI) firfiak pawla inhmang tak chu Ningani khaw var hma khan Uttar Pradesh-a Kaushambi district-ah Uttar Pradesh STF leh Punjab Police tanghovin an man.
An mi man hi Kurlian khua, Ramdas, Amritsar, Punjab-a cheng niin Lajar Masih-a a ni a, zing dar 03.20 velah an man a. An manna hmun hi Kaushambi-a Kokhraj Police Station huam chhung niin Additional Director General of Police (UP Special Task Force, Law & Order) Amitabh Yash chuan a sawi.
“Thu kan hriat dan chuan mi firfiak man hi Jeevan Fauji tia hriat bawk, Germany-a Babbar Khalsa International (BKI)-a an hotu, Swarn Singh-a tana thawk leh Pakistan-a ISI mite nena inbepawh reng a ni,” tiin Yash-a chuan a sawi.
Uttar Pradesh STF hian a kut atang hian puak thei thil leh dan lova a kawl ralthuam pawh an man tel tih a sawi.
An thil man zingah hian hand grenade pathum, a deh puahna pahnih, ram dang siam pistol pakhat leh ram dang siam tho kartut 13 a tel tih officer hian a sawi bawk.
Heng bakah hian puak thei dip chi, a var leh Aadhaar card, Ghaziabad address inziak, SIM card tel lo mobile phone pawh a lo kawl lai an laksak tel tih a sawi.
“Kan firfiak man hi September 24, 2024 khan Punjab-ah judicial custody-a a awm lai atangin a tlan chhuak a ni,” tiin ADG chuan a sawi bawk.
ISI nena inzawm Khalistani firfiak man
Get real time updates directly on you device, subscribe now.