Israel-Hamas indoin nghawng dawn ti

Israel-Hamas indona chu ngaihven ngai tia sawiin Middle East leh Iran ram te an inrawlh a nih chuan oil man a nghawng ngei dawn tiin PHD Chamber of Commerce & Industry’s (PHDCCI) Executive Director Ranjeet Mehta chuan a sawi.
Brent price te a sang tawh tiin Mehta chuan a sawi a, “Indona hian oil price leh supply chain te a nghawng dawn a. A bik takin Iran, oil producer lian a inrawlh a nih chuan a ni zual dawn a. Khawvel economy leh India ngei pawh a nghawng dawn a ni,” tiin a sawi bawk.
“He indona hi kan ngaihven a ngai a ni. Israel hi kan sumdawnpui tha ber pakhat a ni a. He indonaah hian Iran leh Middle East te an inrawlh a nih chuan kan oil supply chain a nghawng ngei dawn a ni. Chumai bakah diamonds leh items dang Israel atanga kan chawkluh te a nghawng dawn a. Vawiinah pawh stock market a nghawng der tawh” tiin a sawi bawk.
“Boruak chiang lo takin ni eng emaw zah min la tuam mek a, hun a kal hret anga thil a chiang turah a ngaih theih a. Indona hi sawilawk theih a ni lo va. Israel-in indona a puan tlat avangin thil a chiang mai thei dawn rih lo,” tiin Ranjeet Mehta chuan a sawi bawk.