Israel-Hamas ten inkahhai ni hnih pawtsei

Israel leh Hamas te chuan Gaza-a inkahhaina an siam chu ni hnih pawhsei an remti tiin palai Qatar chuan a sawi.
Hamas-te chuan inkahhai pawhsei chu a hma inremna ang tho Israeli mitang 50 chhuah zelah Israel in Palestinian lung in tang 150 a chhuah anga kalpui a ni ang, a ti.
Israel chuan engmah sawi a la nei zui ve lo chungin a hmain Israeli mitang 10 chhuah an nih avangin ni khat ralthuam a chelek loh phah tawh a ni.
Kar kalta Zirtawpni atanga tan ni li chhung inkahahhaia lung in tang a tahtawla chhuaha a hnuhnung ber mi 11 te chhuah zalen an nih hnuah inremna thar siamin a awm leh a ni.
Israel sipaite chuan Hamas te mitang chhuah kum thuma upa phir pahnih leh an nute bakah naupang paruk leh kum 18-a upa leh a nute chuan Israel an luh tawh thu a sawi a. Chhuah zalen zingah hian French, German leh Argentine khua leh tui nihna nei kawp te pawh an tel a ni.
Hamas te hian tun hnai ni thum chhungin Israeli lung in tang 39 a chhuah tawh a, Israel chuan Palestinian 117 a chhuah tawh thung. Heng bakah hian inremna dang hmangin Hamas te chuan foreign national dang sawm pakua lai an chhuah zalen tawh bawk.
Inkahhai chu remchangah lain Gaza-ah tanpuina leh mamawh tam tak phurhluhin a awm tawh a.
Israel hian Gaza run hi 7 October a Hamas silai keng tena Israel ram beia mi 1,200 chuang tihluma lung in tang 240 an lak hnuah a bei zui a ni. Gaza a Hamas sorkar chuan Israel chetlakna avangin nunna chan 14,800 aia tam an awm tawh tiin a sawi thung.
Qatari foreignministry thupuangtu Majed al-Ansari chuan ‘palai hna thawh kal zelah ni hnih chhung Gaza Strip ah humanitarian pause pawhsei remtih a ni’ tiin a sawi a. White House national security spokesman John Kirby pawhin inkahhai pawhsei chu lawmawm a tih thu a sawi zui a.
Thawhtannia lung in tang inthleng hma khan Israeli official te chuan Gaza-ah lung in tang 184 an la awm thu sawiin heng zinga 14 te chu foreign national niin Israeli khua leh tui nihna nei kawp 80 an awm a ti bawk.
Pathianni khan Palestinian official te chuan Hamas te chuan lung in tang 40 dang chhuah an la remti dawn tiin a sawi a, chu mi awmzia chu inkahhai ni li pawhsei tur tihna a ni.
Israel chuan ni tiama hmalakna neih a tum nia sawi niin chu mai bakah Gaza-a indona a kalpui chu engti kawng pawhin chhunzawm ngei a tum bawk a.
“A tawpah chuan kan thil tum kan ti hlawhtling tho ang a, chu chu Hamas-te nuaichimih niin Gaza chuan ngai a awh tawh lo vang,” tiin Prime Minister Benjamin Netanyahu chuan a sawi.