Israel in damdawiin a bei niin Lebanon in sawi

Israel in damdawiin a bei niin Lebanon in sawi
Lebanon health ministry chuan Beirut khawthlang lama Lebanon-a public hospital lian ber bulah Israel air strike avangin mi 18 in nunna an chan a, an zingah hian naupang pali pawh an tel thu an sawi.
Thawhlehni zan khan Jnah venga Rafik Hariri University hospital atanga 50m (160ft) vela hlaa building pathum vel tihchhiat a nih avangin mi 60 dang an hliam bawk.
Health ministry chuan he pawikhawihna – khawpui chhunga report 13 awm zinga pakhat damdawi-inah hian ‘chhiatna nasa tak’ a thleng niin a sawi.
Hetih lai hian Israel sipaite chuan damdawi-in bula “Hezbollah firfiak target” an kap tih an sawi a, hospital hi an target a nih loh thu leh a hnathawh danah pawh nghawng a neih loh thu an sawi ve thung.
Israel sawi danin, Hezbollah ho chuan civil mipui zingah an thil neihte chu felfai takin an dah lut niin a puh a, inphen nan mipui pawisawi lo an hmang zel niin a sawi bawk.