Israel in Gaza-ah beihpui a thlak thar leh

Thawhlehni zan khan Israel chuan Gaza-ah beihpui thlak lehin, Jabalia refugee camp thlengin an bei a, mi 18 in nunna an chan thu Palestinia chuan a sawi.
Israel sipaite chuan helho bei turin an inpuahchahna a that tawk thu sawi nghalin, tun tumah pawh hian Hamas hel pawl ho chuan Jabalian hi inphen nan an hmang tlat a, kan luhchhuah ngei a tul ta a ni, an ti.
Palestinian sorkar leh UN chuan Gaza hmunah chuan hmun him a awm thei lo a, khawi lai pawh ralmuang lo chiang sa vek an nih avangin raltlan dahkhawmna pawh hi a him thei bik lo a ni, an ti a. Jabalia leh a chhehvel phei hi chu Hamas hoin inphen nana an hman nasat avangin Israel beihpui thlak lehna pawh hi an tuar phah nasa hle a ni.
Israel chuan Gaza hmuna beihpui a thlak hnu hian Hamas ho nuai chimit tura tan an lak zual zel tur thu an sawi a, pawisawi lote nunna lak chu an duh bik loh thu leh helho lalram tihtawp chu an duh ber a nih zawk thu an sawi.