Israeli Prime Minister Benjamin Netanyahu chuan March 27 khan nasa taka mipui tam tak tena duhlohna lantirna an neih hnuah judicial siamthat a tumna chu a thulh lailawk thu a puang a.
Kum 73 a upa Netanyahu chuan Knesset (parliament) chawlh mek a tawp hma chhung chuan ‘inbiakna tak tak hun siam nan’ dan siam kalpui tum chu thulh rih tur a ti a. Lungawilohna lantirtute chu ‘mawhphurhna laa tharumtawhna kalpui lo turin’ a ngen zui bawk a, israel sang tam tak te sector hrang hranga thawk tute chuan lungawilohna an lantir a ni.
Israeli President Isaac Herzog chuan sorkar chu judicial system siamthat a tum thulh turin a ngen zui bawk a. Hei hi Netanyahu an a Defence Minister Yoav Gallant chu judicial reform kalpui a tum dodala puha a ban zui vang a ni bawk. Herzog thung chuan judicial reform kalpui tum chuan Israel economy leh society dinhmun derthawng zawkah a siam dawn a ti a, sorkar chu ram ngaihtuaha politics thila a hmalakna te ennawn turin a ngen a ni.
Netanyahu chuan television kaltlanga thusawina a neih hnuah Defence Minister Yoav Gallant chu a banzui nghal a, hei vang hian mipui lungawilo pungkhawm te chuan nasa zual zawkin lungawilohna an lantir nasat zui phah thung.
-- Advertisement --
Lungawilohna
Tel Aviv ah chua lungwilo ten main highway dang chatin mei an chhep zui bawk a. Jerusalem khawpuia Netanyahu chenna pawnah pungkhawmin police te nen an inbakiah bawk a. Lungawilo mi pahnih te chuan Knesset building lutin Education Minister Yoav Kisch chu chhuah chhalin bang turin an nawr zui bawk.
Lungawilohna lantirna hi mi pangngai tena an huaihatw niin politics a inhnamhnaiwhna nei lo te an ni a, mahse, opposition te chuan an thlawp thu an sawi thung.
Thawhtan khan Israel a labour federation lian ber Histadrut hotu Arnon Bar-David chuan sorar in judicial reform a kalpui tum duhlohna turu taka an kalpui tur thu a puang a. National Student and Youth Council, middle leh high school zirlai te aiawh pawhin Thawhtan zing atang khan ram pumah lungawilohna an lantir bawk a, council chuan judicial reform siam tum chu thulh nghal an ngiat a ni.
Karkalta khan Israel a ruling coalition sorkar chuan dan thar siamin Netanyahu chu eiruk thubuai hrang hrang a neih mek avanga hruaitu ni thei lova siam theihna dan laka humhim a nih theihna tur an pawm fel a. Hei hi reservations sang tam tak te chuan duh lovin opposition ten an dodal bawk a, mahse, Israel sorkar chuan Bill kalpui lui zelin judiciary reform chu tihhlawhtlin ngei a tum thung a ni. He judicial reform Bill hi Knesset ah tunkar emaw hian vote hmang fiah a ni dawn tiin local newspaper The Times of Israel chuan a tarlang.
Eng reform nge ruahman a nih?
Israel inrelbawlna governance system hi thuam thum – Executive (President chu Chief of State, Prime Minister chu Head of the Government leh Cabinet, Prime Minister in a thlan leh Knesset in a pawmpui) te, Legislature (Knesset) leh judiciary (Supreme Court leh a hnuai court ho te district leh magistrate court, national leh regional labour courts, family leh juvenile court leh Rabbinical courts) te an ni.
Tuna sorkar lai mek right-wing te hi Netanyahu kaihhruai party paruk intelkhawm an ni a. Coalition sorkar chuan Israel judicial system thlakdanglamna tur hrang hrang an isam a, an tum ber chu judiciary thuneihna tihhniam a ni ber. He Bill hi Deputy Prime Minister leh Justice Mnister ni bawk Yariv Levin chuan January 2023 khan a pharh a, sorkar in Israel judiciary a thuneihna sang zawk a neihna tur a ni ber.
Tun dinhmunah Israel a judge te hi judicial selection committee member pakua awmna teana n rua a ni a. Heng member pakua te zingah hian Supreme Court president bakah Supreme Court justice member pahnih (justices ten an mahni zing atanga an thlanchhuah te), justice minister, Cabinet minister pakhat, Knesset member pahnih secret vote hmanga thlang leh Israel Bar Association member pahnih an tel a ni.
Supreme Court ni lo judge dang zawng te ruatna chu simple majority hmanga kalpui niin pasarih talin an duh a ngai a, Supreme Court appointment nei thei tur pawhin committee member pakua zingah pasarih talin an pawm a ngai bawk.
Coalition sorkar Bill thar hian committee atangin Israel Bar Association te chu paih tur a ti a. Judicial selection committee ah chuan Cabinet ministr pathum awm tawhin an zingah justice minister bakah Knesset member pathum, pahnih chu sorkar lai member leh pakhat chu Constitutional law chair nilai bakah Opposition atangin pakhat ni se an ti bawk a, anni bakah Supreme Court president, lower court judge retird tawh pahnih justice minister in a ruat leh Supreme Court president in remtihna a pek te ni se an ti bawk a. Judges tin te, Supreme Court pawh telin simple majority chu vote nga hmuh ni thei turin an dah bawk. Heng ruahmanna siamtu ber hi Simcha Rothman niin tuna Istael Constitution law and justice committee chair ni mek a ni.
Pawm a nih chuan he structure thar hian coaltion sorkar chu automatic in vote nga (Cabinet minister pathum leh Knesset a coalition meber pahnih) hmu in majority an nei nghal dawn a, lower court judge te committee a tel tur an thlem thlu thei bawk a. Chutianga kalpui a nih chuan coalition sorkar chuan Israel court a thuneitu tur an duh ang thlang theiin indepndence of judiciary chu rahbehin a awm thei dawn tih a ni thung.
Hei bakah hian Bill chuan court, Supreme Court pawh telin, basic law validity chunghangah direct emaw indirect emaw in zawhna an chhang tur a ni lo a ti bawk a.
Israel a Basic Law?
Israel ian Constitution a nei lo va. Dan hrang hrang leh subject hrang hrang henng ram, presdiet, sorkar, economy leh judiciary inkaihhruai dan tur a neih hmanga inenkawl mai niin heng dan te hi Basic Law tia sawi a ni.
Israel a Bill te law a nih dan?
Sorkar emaw Knesset committee in Bill a pharh dawnin preliminary readign a awm lem lo. Knesset plenum ah thehluh nghal tawp a ni a, a hnuah Knesset committee chuan a tum hnihna leh thumna atan enfiahna a kalpui zui mai a. Committee in remtihna a pek tawh hnuah plenum chuan sawiho turin a chhawpchhuak leh zui thin. Sawihona neih a nih hnuah vote tum hnih thlakna neih a ni a. Knesset plenum a reading tin a paltlang hnuah Bill chu law niin Book of Laws of the State of Israel ah a chang zui ta thin a ni.