Israel sipai ten Gaza City chhuahsan turin Gazan te ngen

Israel sipaite chuan Gaza City a chengte chu chhim lamah central Gaza Strip-a insaseng turin a ti a, hmar lama operation a neih chu nasa zawka kalpui a tum a ni.
Thlawhna hmanga leaflet a thehdarhah ‘Gaza City a mi tin te’ chu ‘indona hmun hlauhawm’ a nih dawn avangin kawng him pahnih hmangin Deir al-Balah leh al-Zawaida te chu pan turin a hriattir a ni.
UN chuan Israel-in mipuite insaseng tura a tihna chu an ngaimawh takzet tiin a sawi a. Tun hi indona thlen hnua Gaza City a cheng te insaseng tura chhuak tura tih tum hnihna a ni tawh bawk.
Tun hnai karhnih chhungin Israeli sipaite chuan Hamas leh Palestinian Islamic Jihad fighters te kumin kumtir atanga an inlak that lehna nia an ngaih distict thahnem tak an tuam leh a ni.
Hamas te chuan Nilaini atanga inkahhai awm theih nan leh mitang chhuah a nih theih nana Qatar a inbiakna kalpui tan leh chu Israel chetlakna chuan tibahlah theiin a siam tiin an sawi a. Doha inbiaknaah hian Egypt, US leh Israel intelligence chief te theuh leh Qatar prime minister te an tel a ni.
Top Hamas official Hossam Badran chuan Israel chuan ‘Bombing operation, mipuite insaseng tura tur te hmangin inbiakna awm mek chu a nawr a ni’ tiin a sawi.
Israeli Prime Minister Benjamin Netanyahu thung chuan Israel chuan ‘red lines khawih buailoh’ a nih chhung chuan inremna siam a inpeih tiin a sawi ve thung.
Gaza-ah hian mi maktaduai zahve vel zet la cheng anga ngaih a ni a. Israel-in khawpui chhuahsan tura a tih hnuah mi tam tak chuan an chhuahsan a, tam tak erawhin an chhuahsan duh lo thung.
“Gaza hi ka chhuahsan dawn lo. Midangte tihsual angin ka tisual ve dawn lo. Israeli missiles hian hmar leh chhim a thliar hrang tak tak lo” tiin Gaza a cheng Ibrahim al=Barbari chuan a sawi a.
“Kei leh ka fate kan thi a nih leh kan chenna in ah zahawm takin kan thi mai ang” tiin a sawi.
Palestinian Red Crescent te chuan Gaza cheng thenkhatte chuan bomb thlak a nasat lutuk avangin an chenna in an chhuahsan thei lo tia an hrilh thu an sawi a.
“Gaza City atanga information kan neih ang chuan a chhunga chengte chu dinhmun chhe takin an awm mek a ni. Israeli sipaite chuan residential district te chu an bei chhunzawm zel a, mi tam tak an chenna ina awm thei lovin an siam a ni” tiin an sawi.
Israel Defense Forces (IDF) te chuan an sipai te chuan UN agency for Palestinian refugees (Unrwa) headquarter Gaza City a Hamas leh PIJ fighters te beiin counterterrorism operation an neih thu an sawi thung a.
Israeli sipai te chuan civilians te hmun hima an kaltir hnuah Unrwa hi luhchilhin terrorist te nen inbeiin thenfai an ni tiin an sawi a. Unrwa te chuan engmah sawi an la nei lo thung.
IDF te chuan Gaza City eastern Shejaiya district-ah pawh tun hnaiah underground tunnel an tihchhiat thu an sawi bawk a.
Israeli Defence Minister Yoav Gallant pawhin Israel in a beihlet hnuah Hamas fighter 60% te chu tihhlum emaw hliam tuarin an awm tawh tiin a sawi bawk.
UN Human Rights Office chuan IDF tena Gaza City a cheng te insaseng tura thupek a chhuah chuan a tithlabar tiin a sawi a. Israel operation neih avangin civilian nunna chan leh hliam tam tak an awmbelh zel tiin an sawi bawk.