Israel sipaite beihpui thlaknaah mi 50 chuang boral
Pathianni khan Israel sipaite chuan Gaza-ah beihpui thlak lehin, mi tam tak an thi niin civil defence chuan a sawi a, Beirut international airport bula Hezbollah kulhpui pawh a kap bawk.
Palestinian ram hual vela hel pawlte awmna hrang hrang a beih thar lehnaah hian mi 50 chuang an thi niin sawi a ni a, civil mi nunna chan an awm nual thu civil defence agency chuan a sawi.
Civil defence thupuangtu Mahmud Bassal chuan mipui thihna thlen tamna ber chu hmarchhak lama Beit Lahia-a zanlai pelha beihpui thlaknaah a nih thu sawiin, mi 30 chuang an boral thu a sawi a, an zingah hian hmeichhia leh naupangte pawh an tel thu a sawi.
Israel drone hian khawthlang lam khawpui Rafah-ah mi panga a tihlum bawk niin Bassal chuan a sawi a, Nuseirat camp-ah hmeichhe pathum leh naupang pakhatin an thih phah niin a sawi bawk a ni.
Hamas in a enkawl Gaza health ministry chuan pathianni khan indona thla 13 chhunga thi zawng zawng chu 43,846 an tlin tawh thu a sawi a, mithi zinga a tam zawk chu pawisawi lo an nih thu sawiin, hei hi UN chuan a pawmtlak thu a sawi ve bawk.
Israel sipaite beihpui thlaknaah mi 50 chuang boral
Get real time updates directly on you device, subscribe now.
Next Post