IT outage avangin khawvel hmun tinah buai harsatna a thlen nasa hle a, bank lian te, media outlet leh airlines te chu a tuar nasa ber ber an ni.
Thlawhna tam tak thlawhchhuahtir theihloh niin airport ah mi sang tam tak intlarin an flight te tihkhawtlaiin a awm a, IT outage vang hian dawr leh communication lam pawh a nghawng nasa hle tho bawk.
Cyber-security firm Crowdstrike te chuan an update pakhat siamin harsatna a thlen thu nemnghetin chu chuan Microsoft Windows devices te a nghawng ta a ni.
Microsoft chuan IT outage in nghawng na lutuk a neih loh nan theihtawp chhuahin hma an lak nghal thu an sawi bawk.
-- Advertisement --
Eng vanga thleng nge?
Cyber-security firm Crowdstrike boss George Kurtz chuan IT outage awmna chhan chu Microsoft Windows devices a ‘content update’ a ‘kimlo a awm vang’ tiin a sawi a.
“A issue ber kan hmuchhuak tawh a, siamthat tumin hma kan la nghal tawh a ni” tiin a sawi.
Kurtz chuan he issue hian operating system a nghawng lo tia sawiin, “hei hi security thil fello emaw cyber-attack emaw a ni lo” tiin a sawi bawk.
Crowdstrike te hi antivirus software siamj tute niin an software update siam chuan Windows te crash in a siamtir a ni an ti bawk.
Crowdstrike te share chu pre-market trade ah 21% in a tlahniam nghal a. Microsoft pawhin hloh nei nualin chutiang bawkin travel leh leisure stock pawhin a tuar nghal bawk a ni.
Eng nge Crowdstrike chu?
Crowdstrike chu modern digital infrastructure chipchiar lutuk pholanna thatak niin mi nawlpui hriat pawh ni hauh lo in khawvel pumah harsatna awlsam takin a siam thei tlat a ni.
US firm niin Austin, texas a inbun an ni a, US stock exchange a listed company niin S&P 500 leh high-tech Nasdaq indexes ah te pawh an lang a ni.
Modern technology company dang ang bawkin a la upa hauh lo. Kum 13 kalta a din chauh kha niin mahse thang chak hle in hnathawk 8,500 dawn a nei der tawh thung.
Cyber-security services provider niin hack attacks thlen hnua a nghawng chhia tur te thuamth tu an ni deuh ber.
High-profile cyber-attacks Sony Pictures computer system kum 2014 a hack sak angah te khan investigation neihna lamah an inhnamhnawih a.
Tun tumah erawh an software update lamah fello a awm avangin IT problem awma solution pe thin te chu harsatna siamtu an ni ta hlauh zawk a ni.
An earning report thar berah Crowdstrike te hian customer 24,000 dawn an nei a. Chutak chu issue lian lo thei lo leh harsatna siamthatna lamah pawh harsatna nasa zawk awm theih chhan a ni hlauh bawk.
Heng an customer te hi organisation lian tak tak te niin chuvangin computer engzah nge a khawhbuai ang tih chu hriatthiam mai har tak a ni.
Mithiam te chuan tuna harsatna in a khawih buai computer te chu a mal te te in siamthat vek a ngai dawn an ti a, chutak chu khawvel hum tina IT department te tan chuan lutihaitu nasa tak tur a ni bawk.
Tutu te nge a nghawng?
He harsatna hi Australia ramah hriatchhuah hmasak ber niin Australian store hrang hrang Woolworths te pawh telin payment system a down a, National Australia Bank pawh a nghawng bawk.
Chumi hnuah US ah darh lehin Alaska state chuan an emergency services a nghwng thu sawi nghalin chumi hnuah United, Delta leh American airlines te chuan harsatna an tawh thu sawiin an thlawhna te an dintir nghal thup a ni.
Australian carriers Virgin Australia leh Jetstar te pawh an flight te cacnel nghalin Sydney airport ah chuan departure screen a htim hmak bawk.
Tokyoa-Narita leh Delhi airport te pawhin hasratna an tawk a. European airports te chuan harsatna namenlo tawkin thlawhna delay a nasa hle.
Ryanair te pawhin an network hrang hrangah harsatna namenlo an tawh thu an sawi bawk.
Broadcaster te pawh tibuaiin UK a Sky News chu air loh tawp niin firm leh institution hrang hrang ten harsatna an tawh thu an sawi bawk a.
London Stock Exchange pawhin harsatna a tawk chungin a pangngaiin an kal thei a. Israel chuan Hospital 15 chu manual mode in an kal tiin a sawi a. Poland a container terminal lian ber Baltic Hub pawhin harsatna nasa tak an tawk bawk.