Italian Serie A champion Napoli

Zirtawp zan khan Italian Serie A khelh chhunzawm niin, inkhel ngaihven hlawh tak pahnih a awm a. Table chung luahtu pahnih Napoli leh Inter Milan ten inkhel a hmachhawn ve ve. Team lian pahnihte hian si hnih faiin hnehna an chang ve ve a, Napoli chu point khatin Inter Milan chungah an chuang a, Inter Milan kut aangin champion trophy an lak sak.
Table-ah point khata hmahruai mek tu Napoli hian champion tura chak mamawh chungin Cagliari chu Diego Armando Maradona khelmualah an mikhual. Champion tura chak mamawh an nih vangin Napoli hian goal thun thuai tumin an khingpuite an nawr na hle a, an mikhualte nawr betin hlauhawm an siam mawlh mawlh. An mualah khel chhe lem lo viau mah se beisei angin goal erawh an thun hma thei lo. Napoli in goal an thun theih loh lai hian inkhel lehlamah Inter Milan chuan Como lakah hma an lo hruai mek bawk si a, Napoli antute an hlauthawng a, an hu hle hle thei lo. Inter Milan in goal an thun tih an hriatin mualchhunga player ten goal thun tumin an an khawh zual sauh a, an mamawh goal an thun ta nge nge. Manchester United aanga an lak Scot Mc Tomminay chuan chawlhlawk dawn hnaih minute 42-naah Politano siamha ha tak chu fuh leh pui zetin a volley goal a, hmahruaina goal a thun. McTomminay goal thun hmang hian si khat faia hmahruai chungin chawlhlawk an hmang a, an mamawh goal an thun vangin an tan thawkhat a veng.
Chawlhlawk hnu lamah Napoli an khel ha chhunzawm a, goal khat an thun belh leh. Chawlhlawk hmain goal thun harsat mah se Napoli hian chawlh lawk hnu lamah goal an thun ta thuai thung. Minute 51-na lekah Romelu Lukaku chuan solo goal pui zet mai a nei a, Napoli goal hnihna thunin, an hmahruaina a tizau. Lukaku goal thun hnu hian hun ha neih belh bawk mah se hun tawp thlengin goal a thun belh thei tawh lova, an player ropui Diego Armando Maradona hmingchawia an sak khelmualah ngei champion lawmna hlado an chham zui ta a ni.
Zirtawp zana inkhel dangah Champion lai Inter Milan chuan mikhual an nihna hmunah Stefan de Vrij leh Joaquín Correa te goal thun hmangin mualneitu Cagliari chu si hnih faiin an hneh. Mimualah hnehna chang bawk mah se point khatin Napoli an umphak lova, champion nawn leh an tumna chu uiawm takin an tihlawhtling zo lo. Serie A-ah uiawm takin champion zo ta lo mah se Inter Milan hian May ni 31 zanah champions league final an khel zui leh dawn a, Allianz Arena a an khingpui Paris St-Germain an hneh a nih chuan lawm vangin an biangah mittui a luang ngei ang.
Champion tuma inelna boruak hot tak hnuaiah Napoli hian khelh 38 aangin vawi 24 hnehna an chang a, an khingpuite nen um 10 an inhnehtawk a, tlawm zawkah vawi li ang an ang ve bawk. Season an hman zawh takah Napoli hian an khingpuite lakah goal 59 an thun a, goal thun tam lo mah se goal 27 chauh an chhuah a, goal an chhuah tlem ve thung. Italian Serie A champion Napoli hi footballer ropui Marado hunlai 1986-87 leh 1989-90 khan Italian Serie A-ah an lo champion tawh a. Hun rei tak chhung an champion theih loh vang vang hnuin 2022-23 khan an champion leh nawlh, 2024-25 season ah champion lai ni chungin an khel ha tawk lova, Inter Milan hnuaiah an awm deuh ngar ngar. Inter Milan chetsual changin an hnaih hret hret a, season tawp dawn hnaihah an lehpel ta hial a, a vawi li nan an champion zui ta hial a ni.
Cagliari laka goal hmahruai thuntu Scot McTomminay khan Napoli in Manchester United aangin an la lut a, a manah £25.7m an seng. A club thar tan McTomminay hian Serie A-ah goal 12 chet a thun a, Serie A-a a season hmasa berah Serie A Player of the Season-ah thlan a ni nghal hial a, Napoli a zawn fuh cher cher hle.
An muala Cagliari an mikhual um hian Napoli manager Antonio Conte chuan hrem vangin a team a kaihruai thei lo. Manager ropui Conte hi hun tawp ve leh khelmual chhungah champion lawmin a tlanlut thuai thung. Conte hian italian club lian Juventus, Inter Milah leh Napoli te Serie A-ah a champion pui vek a, hei hian manager ha bik a nihzia a nem nghet.