J&K assembly session hmasa ber tan; BJP in eptu hruaitu tur ruat thar
Thawhtanni atang khan Jammu & Kashmir chuan sorkar thar an neih hnua a hmasa ber ni turin assembly thutkhawm an nei a, minister hlui Sunil Sharma chu eptu lam BJP in legislature hotu atan an thlang.
Sharma hi tun hnaia assembly inthlanpui neihah khan Kishtwar district a Padder Nagseni bial atanga thlantlin niin, hei hi constituency din thar a ni nghe nghe.
BJP in eptu hruaitu atana an thlan hnu hian Sharma chuan, ‘Assembly ah opposition tangkai tak nih kan tum ang,’ a ti a. Sorkar in mipuite dikna chanvo a tihchhiat loh nan beih an tum thu sawiin, an theihna zawng zawng hmanga kawng dik zawh an tum thu a sawi bawk.
J&K assembly neih hmaa eptu hruaitu an thlanna hi central lam atangin union minister Pralhad Joshi leh BJP national general secretary Tarun Chugh ten an telpui.
Central BJP hruaitute chuan Sat Paul Sharma chu J&K a BJP hotu atan an ruat bawk a, ani hian kum 2015 leh 2018 inkar khan he hna hi a lo chelh tawh a ni.
J&K assembly session hmasa ber tan; BJP in eptu hruaitu tur ruat thar
Get real time updates directly on you device, subscribe now.