J.Lo-i’n pasal neih a sim!

J.Lo-i’n pasal neih a sim!
Pasal then ve nual tawh Jennifer Lopez chu Barcelona-a a concert-naah mipui lam atanga, “J.Lo, innei ang?” tih thuziak an ken chu a ri a chhiar sakin, Jennifer Lopez chuan a lu thing deuh na na chungin, “Khatiang kha chu ka dutawk tawh e. Ka tichhin nual tawh a,” tiin nui chungin a chhang.
A ni lah taka, tla ruk liamta khan Ben Affleck nen kum hnih an inneih hnuah an inten a, Ben Affleck nen hian 2002 atanga 2004 kum tir lam thleng inzuiin, an inhual hman a, mahse, innei ta lovin an inthen vang vang a, 2021-ah an thar thawh leh kha a nia. Chumi hma pawhin pasal a lo then zauh zauh tawh a, Ojani Noa nen 1997-ah inneiin, 1998-ah an inthen a, Cris Judd nen 2001-ah inneiin, 2003-ah an inthen a, Marc Antony nen 2004-a inneiin, 2014-a an inthen leh a, Anthony nen hian faphir Emme leh Max an nei. Marc Anthony nen an inthen hnuah Alex Rodriguez nen February 2017 atanga kum bul lam tleng inkawpin, an inhual hman a, mahse, an inhualna an tihtawp hnuah Ben Affleck nen 2022-ah inneiin, kumin kumtir khan an inthen fel leh ta a ni.
Tuna Ben Affleck nena an inthen leh takah hi chuan a rilruah pasal neih lam a lang ta lo deuh a ni ngei ang. A kum te pawh a lo tam ve ta a, kum 55 hmel a hmu ve ta reng mai a, chutihrualin amah lah chu a nalh zeih zawih khawp mai!