Sawrkar kalta leh tun sawrkar thar hun chhungah Aizawl Central Jail leh District Jail hrang hrangah a khat mawi tawka jail tang tlanchhuak an awm ta fo chu venhimna lama sawrkar inthlahdah vangah an ngai tih PC party chuan an sawi.
PC party thuchuak chuan, tunhnaia prison van atanga harsa lo taka drugs kaihnawiha tang an tlanchhuah theih chhan chu venghimtute inthlahdah leh fimkhur tawk loh vang tih a chiang hle tih a sawi a. District Jail hrang hranga prison van chu hlui tawh, thawmthat ngai, a thar ngaihtuah ngai a nih tawh laiin, ngaihsak a hlawh tawk loh avanga jail tangten tlanchhuahna remchangah an hman phah taah a ngai tih a sawi.
‘Hetianga samkhai taka jail-a tangte an tlanchhuah theih fo chhan leh vang chiang taka chhui chhuak tur leh, tunhnu ah a thlen fo tawh loh nan theihtawp chhuaha \an la thar turin Mizoram sawrkar kan ngen a ni,’ a ti.
June 28 khan Central Jail-a tang mek mi pali chu court-a hruai niin, an haw lamah prison van-a boruak luhna lai tichhia in, Zonuam Veng huamchhunga an awm laiin an tlanchhuak a ni. Hemi bulhnaiah hian tlaiah hmuh an ni a, man an nih hma in an bibo leh hman a, June 30 tlai lam thleng kha chuan hmuh zui an ni ta lo.
Tang tlanchhuakte hi Paoboi Singson (33), Genkhopao Haokip (24) leh Augustin Seikholal Haokip (23) leh Daniel Lalzathang Baite (20) Manipur ami an ni a. Mizorama ruihhlo lakluh vanga man, an thubuai court-in a ngaihtuah lai mek an ni.
Jail tàng tlanchhuak fo hi thuneitute inthlahdah vang – PC party
Get real time updates directly on you device, subscribe now.
Prev Post