January thlaa kir tur Raducanu

Kumin April thla Stuttgart Open-a 6-2 6-1-a Jelena Ostapenko a hneh loh hnua hliamin a tihbuai zui tak Britain chhuanvawr Emma Raducanu chuan hmei-chhe tennis tourna-ment-a a kirleh hun tur tichiangin, kum thar January thla chawlhkar hmasabera khelh tan tur Auckland a tinzawn tih a puang.
Hliam avanga vawi-thum ngawt zai a tawh hnuah kum 2021 US Open champion hi world ranking lamah pawh 296-na a ni duai tawh a; January ni 1-7, 2023 chhunga khelh tur Auckland Classic hi ranking sang zawk a beisei leh tanna tur niin a lang.
Kum 21 mi Radu-canu hian kuminah tournament a hma-chhawn tam loh avangin competitive match pakua chiah a khel a; May thla khan a ban na pahnih bakah kumtir lam Auckland-a a tihnat a kheimit veilam zai niin, a banrek hnaih a ban na avang hian 2022 season tawp hnu atang khan a talbuai zui ta a ni.
Hliam avanga thla-ruk chuang a bawk-sawp hnuah Madrid Open hi Madrid Open-ah khan a ranking (103) humhim turin Raducanu a inlan zawk a, kha kha kumina a tournament hmachhawn hnuhnun-ber a ni zui ta a ni.
New Zealand rama professional infiamna huanga inelna lian ber ASB Classic an tih bawk khel tur hian Raducanu bakah US Open champion Coco Gauff leh world number one hlui Caroline Woz-niacki-te pawh qua-lifying khelh buai ngai lo turin wildcard pek an ni ve bawk.
Auckland Classic zawh hnu lawk January ni 14 atangin kum khat chhunga grand slam tournament hmasaber Australian Open an khel chhunzawm dawn a, hei vang hian New Zea-land tournament hi Mel-bourne Park atana in-buatsaihna lian a ni.
Australian Open tan hma hian Hobart leh Adelaide lamah WTA tournament a la awm.